All posts in MICHEZO

TENGA, MALINZI WAZUNGUMZIA UCHAGUZI WA CAF, FIFA

indexLeo Rais wa Baraza la Vyama vya Mpira wa Miguu Afrika Mashariki na Kati (CECAFA), Leodegar Tenga na mjumbe wa Kamati ya Utendaji ya Shirikisho la Mpira wa Miguu Afrika (CAF) akiwa na Rais wa Shirikisho la Mpira wa Miguu Tanzania (TFF), Jamal Malinzi wamezungumzia uchaguzi wa CAF na FIFA.

Rais Tenga ameishukuru familia ya TFF kwa kumuunga mkono katika kugombea tena nafasi ya ujumbe wa Kamati ya Utendaji ya CAF katika uchaguzi utakaofanyika Aprili 7 mwaka huu Cairo. Tenga ni mgombea pekee wa nafasi hiyo kwa Kanda ya Afrika Mashariki na Kati.

Pia Rais Tenga amezungumzia msimamo wa bara la Afrika uliowekwa katika Mkutano Mkuu wa CAF uliofanyika mwaka jana jijini Sao Paulo, Brazil kuwa wanachama wote wa CAF watamuunga mkono Rais wa sasa wa FIFA anayetetea nafasi yake katika uchaguzi utakaofanyika Mei mwaka huu jijini Zurich, Uswisi.

Vilevile Mkutano Mkuu wa CECAFA uliofanyika Desemba 2014 jijini Nairobi, Kenya ulipitisha azimio la kumuunga mkono Joseph Sepp Blatter katika uchaguzi wa FIFA.

Katika mkutano huo, Rais wa TFF, Jamal Malinzi ametoa tamko rasmi kuwa kwa niaba ya TFF atampigia kura Joseph Sepp Blatter.

STARS, MALAWI ZAINGIZA MIL 72

Mchezo wa kirafiki wa Kimataifa uliofanyika jana jumapili jijini Mwanza kwenye Uwanja wa CCM Kirumba kati ya wenyeji timu ya Taifa ya Tanzania (Taifa Stars) dhidi ya timu ya Taifa ya Malawi (The Flames) umengiza jumla ya tsh 72.839,000 kutokana na idadi ya washabiki 15,762 waliokata tiketi kushuhudia mchezo huo.

Mgawanyo wa mapato kwa mchezo hu ni VAT 18% sh. 11,111,103, gharama za tiketi sh. 3,203,700, gharama za mchezo (15%)sh. 8,778,639, Uwanja (15%) 8,778,639, CAF (10%) sh. 5,852,426 na Shirikisho la Mpira wa Miguu nchini TFF (35%) sh. 35,114,560.

Shirikisho la Mpira wa Miguu nchini inatoa shukrani kwa chama cha soka mkoa wa Mwanza  (MZFA) kwa ushirikiano wao katika kufanikisha maandalizi ya mchezo huo, waandishi na vyombo vya habari mbalimbali kwa sapoti waliyoitoa kwa timu ya Taifa ya Tanzania (Taifa Stars)

Aidha TFF iinawashukru wapenzi, wadau na washabiki wa soka nchini, na hususani wa kanda ya ziwa waliojitokeza kwa wingi kushuhudia mchezo huo, kwani waliishangilia Taifa Stars tangu mwanzo wa mchezo mpaka mwisho kwa ustaarabu wa hali juu.

Katika mchezo huo Taifa Star ilitoka sare ya bao 1- 1 dhidi ya The Flames, bao la wageni lilifungwa na Mecium Mhone kabla ya na Mbwana Samatta kuisawazishia Tanzania.

IMETOLEWA NA SHIRIKISHO LA MPIRA WA MIGUU TANZANIA (TFF)

washindi wa Mashindano ya NSSF Media cup 2015.

1

Mgeni rasmi katika mashinado hayo Prof. Herman
Mwansoko akikabidhi zawadi kwa Mshindi wa pili  kwa
Nahodha wa Timu ya IPP Media baada ya kuwa washindi wa pili
kwa mpira wa miguu wa Mashindano ya NSSF Media cup 2015.
Wapili kushoto ni Kaimu Mkurugenzi mkuu wa NSSF Dr Ludovick
Mrosso, na wa kwanza Kulia ni Meneja Kiongozi wa Uhusiano na
Huduma kwa Wateja Bi Eunice Chiume.

2

Mgeni rasmi katika mashinado
 hayo Prof. Herman Mwansoko akikabidhi kombe la ushindi kwa
 Nahodha wa Timu ya Habari Zanzibar baada ya kuibuka mabingwa
 wa Mashindano ya NSSF Media cup 2015. Wapili kushoto ni
Kaimu Mkurugenzi mkuu wa NSSF Dr Ludovick Mrosso, na wa
kwanza Kulia ni Meneja Kiongozi wa Uhusiano na Huduma kwa
Wateja Bi Eunice Chiume.

3

Mgeni rasmi katika mashinado hayo Prof. Herman
 akikabidhi kombe la ushindi kwa Nahodha wa Timu ya NSSF ya
 Mpira wa Pete Bi Nora Mwidunda baada ya kuwa washindi wa
 pili wa Mashindano ya NSSF Media cup 2015. Wapili kushoto ni
Kaimu Mkurugenzi mkuu wa NSSF Dr Ludovick Mrosso, na wa
 kwanza Kulia ni Meneja Kiongozi wa Uhusiano na Huduma kwa
 Wateja Bi Eunice Chiume.

4

Mgeni rasmi katika mashinado
 hayo Prof. Herman Mwansoko akikabidhi kombe la ushindi kwa
 Nahodha wa Timu ya Uhuru Queens ya Mpira wa Pete baada ya
 kuibuka mabingwa wa Mashindano ya NSSF Media cup 2015.
Wapili kushoto ni Kaimu Mkurugenzi mkuu wa NSSF Dr Ludovick
Mrosso, na wa kwanza Kulia ni Meneja Kiongozi wa Uhusiano na
 Huduma kwa Wateja Bi Eunice Chiume.

STARS TAYARI KUWAKABILI MALAWI KESHO CCM KIRUMBA

Timu ya Taifa ya Tanzania (Tindexaifa Stars) leo asubuhi imefanya mazoezi ya mwisho tayari kwa kuwakabili timu ya taifa ya Malawi (The Flames) mchezo utakaochezwa kesho jumapili saa 10.30 jioni katika Uwanja wa CCM Kirumba jijini Mwanza.

Tiketi za mchezo tayari zimeshaanza kuuzwa katika vituo vya Uwanja wa Nyamagana na uwanja wa CCM Kirumba kwa bei za sh. 5,000 kwa mzunguko, sh. 12,000 kwa jukwaa kuu na sh.20,000 kwa viti vya jukwaa kuu maalum.

Taifa Stars inashika nafasi ya 100 katika msimamo wa viwango vya FIFA vilivyotolewa mwezi Machi, huku Malawi (The Flames) wakishika wakiwa nafasi ya 91 kwenye vinago hivyo.

Akiongea na waandishi wa habari leo kaika hoteli ya La Kairo iliyopo Kirumba jijini Mwanza, kocha msaidizi wa Taifa Stars Salum Mayanga amesema kikosi chao kipo katika hali nzuri , na sasa kilichobakia ni mchezo wenyewe wa kesho.

Mayanga amesema vijana wake wote 22 waliopo kambini wapo fiti, wamefanya mazoezi kwa siku tano katika Uwanja wa CCM Kirumba jijini Mwanza, wachezaji wapo kwenye ari na morali ya juu, kikubwa wanachosubiri ni kesho tu kushuka dimbani kusaka ushindi.

Aidha Mayanga amewaomba wapenzi wa mpira wa miguu waliopo jijini Mwanza na mikoa ya jirani ya kanda ya ziwa, kujitokeza kwa wingi kesho uwanjani kuja kuwapa sapoti vijana kwa kuwashangilia muda wote wa mchezo.

Tayari waamuzi na kamishina wa mchezo wameshawasili jijini Mwanza, mwamuzi wa kati atakua ni Munyazinza Gervais kutoka nchini Rwanda, akisaidiwa na mshika kibendera wa kwanza Hakizimana Ambroise (Rwanda), mshika kibendera wa pili Niyitegeka Bosco (Rwanda), mwamuzi wa akiba  Martin Saanya kutoka Morogoro huku na Kamishina wa mchezo ni Afred Rwiza kutoka Mwanza.

Big, Dua Saidi kuanza maisha mapya SHIWATA

7

Na Mwandishi Wetu

MCHEZAJI wa zamani wa Simba na Timu ya Taifa ya Tanzania “Taifa Stars”, Dua Said na muingizaji wa Bongo Movie, Lumole Matovola “Big” na Mwenyekiti wa Wasanii Tanzania  (SHIWATA), Cassim Taalib ni miongoni mwa wasanii 48 walioamua kwenda kuanza maisha ya kijijini.

Wakizungumza katika mkutano wa bodi ya SHIWATA jana, wasanii hao walisema meamua kuungana na wasanii wengine wanaokwenda kuanza maisha mapya katika kijiji cha Wasanii, Mwanzega Mkuranga ambapo watapatiwa mashamba ya kulima bustani na mazao ya muda mfupi.

Dua Said alisema amevutika na kujiji hicho na amekuwa mmoja wa wachezaji wa zamani kuanza maisha ya kijiji cgha wasanii ambayo alisema ni mazuri yenye manufaa kulinganisha na maisha ya mjini.

“Nimefika kijijini Mwanzega na mimi nimejengewa nyumba yangu na SHIWATA, pia nimerekodi filamu ambayo mtaiona katika luninga ni maisha mazuri ya kijijini  ambayo huwezi kufananisha na mjini” alisema Big.

Mwenyekiti wa SHIWATA, Taalib alisema kati ya wanachama 8,000 ambao wamepanga kuhamia Mkuranga kwa ajili ya kilimo na ufugaji watashiriki katika sherehe za kutimiza miaka kumi kutoka ianzishwe na jumla ya nyumba 134 zimejengwa.
Alisema mtandao huo unasikitishwa na taarifa ambazo siyo za kweli kuwa ndani ya mtandao huo kuna utapeli na kuongeza kuwa wanataarifu wanachama wo wote kwamba mpango huo ni wa kweli, uhakika na uwazi hakuna mwanachama hata mmoja atakayepoteza haki yake kwa kujiunga na SHIWATA.

Alisema Wanachama waliojiunga na SHIWATA kutoka mwaka 2004 na kufanikiwa kulipa sh. 10,000 za kujiunga na kijiji cha Mwanzega kupitia mtandao huo na kupatiwa hati wanatakiwa kufika ofisini Ilala Bungoni na nyaraka zao zote ili wapelekwe kijijini kukabidhiwa maeneo yao.

Alisema pia wanachama wote waliochangia ujenzi ya nyumba zao kwa kiasi chochote cha fedha kupitia benki wanatakiwa kufika ofisini na nyaraka zao zote ili nao wakakabidhiwe maeneo yao kwa kadri walivyochangia.

Alisema waliochangia katika mgawo wa mashamba katika shamba la Ngarambe na hatajakabidhiwa mashamba yao wanatakiwa wafike ofisini na nyaraka zao ili wakakabidhiwe.
Alisema kijiji ambacho wanaamini kitakuwa kivutio kwa watalii nchini kitapewa jina la Tallywood na kutangazwa nchi mbalimbali duniani na kitakuwa maarufu kwa utengenezaji filamu ambazo zitauzwa ndani na nje ya Tanzania.

 

AZAM, SIMBA, YANGA ZAPIGWA FAINI

indexKikao cha Kamati ya Uendeshaji na Usimamizi wa Bodi ya Ligi Kuu Tanzania  kilichoketi jumanne ya tarehe 24, Machi 2015 jijini Dar es salaam, kimepitia taarifa mbalimbali za michezo iliyochezwa na kutoa adhabu kwa wachezaji na vilabu vya Ligi Kuu ya Vodacom.

Katika mechi namba 107 iliyowakutanisha wenyeji Ndanda FC dhidi ya Coastal Unioni, klabu ya Ndanda imepigwa faini ya sh. 500,000 (laki tano) kwa mujibu wa Kanuni ya 42(1) ya Ligi Kuu ya Vodacom  kutokana na washabiki wake kumrushia chupa za maji mwamuzi msaidizi Anold Bugado.

Mechi namba 108 iliyochezwa Uwanja wa Kambarage mjini Shinyanga, (Stand United dhidi Simba SC), wenyeji timu ya Stand United imepigwa faini ya sh. 300,000 (laki tatu) kwa mujibu wa Kanuni ya 14(8) kutokana na timu yake kuchelewa kufika uwanjani kwa dakika ishirini.

Mchezo namba 117 uliozikutanisha Simba SC dhidi ya Yanga SC kwenye Uwanja wa Taifa jijini Dar es salaam, timu ya  Simba imepigwa faini ya sh. 300,000 (laki tatu) kwa mujibu wa Kanuni ya 14(9) kwa kukataa kuingia kwenye vyumba vya kubadilishia nguo.

Nayo klabu ya Yanga imepigwa faini ya sh. 500,000 (laki tano) kwa mujibu wa Kanuni ya 42(11) baada ya timu yake kuonyeshwa kadi zaidi ya tano kwenye mchezo dhidi ya Simba SC, huku mshambualiji wake Dany Mrwanda  akipigwa faini ya sh. 500,000 (laki tano) kwa mujibu wa Kanuni ya 14(12) kwa kutopeana mikono na wachezaji wa timu hiyo.

Mchezaji Haruna Niyonzima wa Yanga amepigwa faini ya sh. 500,000 (laki tano) kwa mujibu wa Kanuni ya 37(f) kwa kupiga teke meza ya   mwamuzi wa akiba baada ya kutolewa nje kwa kadi nyekundu. Suala la mshambuliaji wa Yanga Amissi Tambwe kumshika korodani beki wa Simba SC Murshid Juuko limepelekwa kwenye Kamati ya Nidhamu.

Kipa wa timu ya Simba SC, Ivo Mapunda amepewa onyo kwa kufunika tangazo la mdhamini wa Ligi Kuu  (Vodacom) kwa kutumia taulo lake wakati wa mechi dhidi ya Yanga, hatua kali za kinidhamu zitachukuliwa dhidi yake iwapo atarudia kufanya tukio la aina hiyo.

Nao wachezaji Salum Abubakar wa Azam FC na Richard Maranya wa JKT Ruvu wamepigwa faini ya sh. 500,000 (laki tano) kila mmoja na kusimamishwa mechi tatu kwa mujibu wa Kanuni ya 37(3) kwa kupigana uwanjani kwenye mechi namba 123 ambapo walitolewa nje kwa kadi nyekundu.

Klabu ya Kagera Sugar imepigwa faini ya sh. 300,000 (laki tatu) kwa mujibu wa Kanuni ya 14(9) baada ya timu yake kugoma kuingia kwenye vyumba vya kubadilishia nguo kwenye mchezo namba 130 dhidi ya Young Africans uliofanyika kwenye Uwanja wa Taifa.

Mechi namba 132 iliyozikutanisha Azam na Ndanda SC kwenye uwanja wa Chamazi, klabu ya Ndanda imepigwa faini ya sh. 500,000 (laki tano) kwa mujibu wa Kanuni ya 42(1) baada ya washabiki wake kuwamwagia maji na kuwarushia chupa za maji washabiki wa Azam.

Aidha klabu ya Stand United imepigwa faini ya sh. 300,000 (laki tatu) kwa mujibu wa Kanuni ya 14(8) kwa kuchelewa kufika uwanjani kwenye mechi namba 134 dhidi ya timu ya Mbeya City,  pia imepigwa faini ya sh. 500,000 (laki tano) kwa mujibu wa Kanuni ya 14(9) kwa kutoingia kwenye vyumba vya kubadilishia nguo kwenye mchezo huo.

Kiongozi wa Stand United, Muhibu Kanu amepelekwa kwenye Kamati ya Nidhamu baada ya kuondolewa kwenye benchi na mwamuzi wa mchezo dhidi ya Mbeya City kutokana na kutumia lugha ya kuhamasisha vurugu kwa timu yake na kupinga uamuzi wa refarii.

Katika mchezo namba 135 uliochezwa jijini Tanga na kuwakutanisha wenyeji Mgambo Shooting dhidi ya Yanga SC, Yanga SC imepigwa faini ya sh. 500,000 (laki tano) kwa mujibu wa Kanuni ya 42(1) kutokana na washabiki wake kuvamia uwanja baada ya mechi namba 135 dhidi ya Mgambo Shooting kwenye Uwanja wa Mkwakwani.

 

 

IMETOLEWA NA SHIRIKISHO LA MPIRA WA MIGUU TANZANIA (TFF)

Attachments area

Preview attachment Press Release 27Machi..doc

  Click here to Reply, Reply to all, or Forward

12.48 GB (78%) of 16 GB used

Manage

©2015 Google – TermsPrivacy

Last account activity: 1 hour ago

Details

  420 more

  Baraka Kizuguto
Media & Communication Officer
 

viingilio vya mchezo wa siku ya jumapili kati ya Taifa Stars (Tanzania) dhidi ya The Flames (Malawi)

indexShirikisho la Mpira wa Miguu nchini TFF, limetangza viingilio vya mchezo wa siku ya jumapili kati ya Taifa Stars (Tanzania) dhidi ya The Flames (Malawi) utakaochezwa kwenye uwanja wa CCM Kirumba jijini Mwanza kuwa ni tsh. 5,000 mzunguko na tsh. 12,000 kwa jukwa kuu.

Kuelekea mchezo huo wa jumapili kikosi cha timu ya Taifa ya Tanzania (Taifa Stars) inayodhaminiwa na Bia ya Kilimanjaro, kimeendelea na mazoezi katika Uwanja wa CCM Kirumba huku wachezaji wake wote wakiwa na ari na morali ya juu tayari kwa kuwakabili the Flames.

Taifa Stars iliyo chini ya kocha mkuu Mart Nooij iliwasili jijini Mwanza siku ya jumanne na kufikia katika hoteli ya La Kairo iliyopo eneo la Kirumba,

ikiwa na kikosi  kamili kwa ajili ya mchezo huo wa kirafiki wa Kimataifa uliopo kwenye kalenda ya FIFA.

Maandalizi ya mchezo kwa upande wa Taifa Stars yamekamilika, timu imekua ikifanya mazoezi katika uwanja wa CCM Kirumba ambao ndio uwanja utakaotumika kwa mchezo.

Wachezaji waliopo jijini Mwanza ni , Aishi Manula, Mwadini Ali, Shomari Kapombe, Erasto Nyoni, Aggrey Morris, Oscar Joshua, Nadir Haroub, Salim Mbonde, Haji Makame, Hassan Isihaka na Abdi Banda.

Wengine ni Mwinyi Kazimoto, Haroun Chanongo, Mrisho Ngasa, Salum Abubakar, Amri Kiemba, Frank Domayo, Said Ndemla, John Bocco, Juma Luizio, Thomas Ulimwengu na Mbwana Samatta.

MALAWI YAWASILI MWANZA

Timu ya Taifa ya Malawi (The Flames) tayari imewasili leo jijini Mwanza majira ya saa sita mchana, ikiwa na kikosi chake kamili kwa ajili ya mchezo dhidi ya Taifa Stars siku ya jumapili kwenye Uwanja wa CCM Kirumba.

Malawi imewasili ikiwa na kikosi chake kamili cha wachezaji 18 na kufikia katika hotel ya JB Belimonte, wakiwemo wachezaji saba wanaocheza soka la kulipwa katika nchi za Afrika Kusini, Congo DR, Msumbuji na Zimbabwe.

Wachezaji wa kimataifa waliowasili ni nahodha Joseph Kamwendo (TP Mazembe -Congo DR), Chimango Kayira (Costal de Soul – Msumbiji), Frank Banda (HBC Songo – Msumbiji), Esau Kanyenda (Polokwane City – Afrika Kusini),  Harry Nyirenda (Black Leopards – Afrika Kusini), Limbikani Mzava (Celtic – Afrika Kusini) Gerald Phiri (Caps United – Zimbambwe)

Wegine ni McDonald Harawa (Hoyale FC), Richard Chipuwa (Wanderers), Lucky Malata (Silver), John Lanjesi (Civo), Francis Mulimbika (Wanderers), John Banda (Blue Eagle), Earnest Tambwe (Surestream) , Micium Mhone (Blue Eagle), Chikoti Chiriwa (Red Lions), Peter Wadabwa (Silver) na Amos Khamula(Support Ballaton)

Mkuu wa msafara ni Alexander Waya, Kocha mkuu Young Chimodzi, kocha msaidizi Jack Chamangwana, kocha wa makipa Pillip Nyasulu, Daktari wa timu Levison Mwale, Meneja wa timu Frank Ndawa na Afisa Habari James Sangala.

Kikosi cha timu ya Taifa ya Malawi kinatarajiwa kufanya mazoezi leo saa 10 jioni katika uwanja wa CCM Kirumba, huku siku ya jumamosi wakipata nafasi ya kufanya mazoezi tena kwenye uwanja huo wa mchezo.

Kesho jumamosi saa 5 kamili asubuhi kutafanyika mkutano na waandishi wa habari katika hoteli ya La Kairo iliyopo Kirumba jijini Mwanza, kocha wa Stars Mart Nooij na kocha wa The Flames Young Chimodzi wataongelea maandilizi ya mchezo wao wa siku  ya jumapili.

PAN AFRICA FC NA CHANGANYIKENI FC,KUSAKA NAFASI YA KUCHEZA LIGI YA MABINGWA WA MIKOA

indexBaada ya kumalizika kwa michuano ya ligi ya mkoa wa Dar es salaam na timu za FFU na Zakhem kumaliza katika nafasi ya kwanza kwenye makundi yao,kesho 20/03/2015 utapigwa mchezo mmoja wa kusaka nafasi ya kuungana na mabingwa hao kushiriki michuano ya ligi ya mikoa.

Mchezo huo wa mtoano utakaopigwa katika uwanja wa Mizinga Kigamboni,utazikutanisha timu za Pan Africa dhidi ya Changanyikeni ambazo zimemaliza katika nafasi ya pili kwenye makundi yao.
Kwa mujibu wa kamati ya mashindano ya chama cha kandanda mkoa wa Dar es salaam,DRFA,baada ya kumpata mshindi katika mchezo huo, majina ya timu hizo tatu yatapelekwa shirikisho la soka la Tanzania TFF.
Aidha kamati hiyo chini ya mwenyekiti wake Kenny Mwaisabula,imewashukuru mashabiki waliojitokeza kwa wingi kwenye viwanja mbalimbali kushuhudua michuano ya ligi mkoa wa Dar es salam tangu ilipoanza kutimua vumbi.
 
IMETOLEWA NA DRFA

STARS YAWASILI MWANZA

indexTimu ya Taifa ya Tanzania (Taifa Stars) imewasili salama leo asubuhi jijini Mwanza, tayari kwa maandalizi ya mchezo wa kirafiki wa Kimataifa siku ya jumapili Machi 29, 2015 dhidi ya timu ya Taifa ya Malawi (The Flames), mechi itakayochezwa kwenye dimba la Uwanja wa CCM Kirumba.

Kikosi cha Stars kimeondoka kikiwa na wachezaji 18 ambao wameripoti kambini jana, huku kiugo mshambuliaji Mwinyi Kazimoto anayecheza soka la kulipwa nchini Qatar akitarajiwa kuungana na wenzake leo mchana jijini Mwanza.

Wachezaji waliopo kambini jijini Mwanza ni, magolikipa Aishi Manula na Mwadini Ali (Azam FC), walinzi ni Erasto Nyoni, Shomary Kapombe, Aggrey Morris (Azam FC) , Salim Mbonde (Mtibwa Sugar), Haji Mwinyi (KMKM), Hassan Isihaka na Abdi Banda (Simba SC)

Wengine ni Amri Kiemba, Frank Domayo, Salum Abubakar (Azam FC), Said Ndemla (Simba SC), Haroun Chanongo (Stand United), John Bocco (Azam FC), Juma Luizio (Zesco United), Mbwana Samatta na Thomas Ulimwengu (TP Mazembe).

Mchezaji Mcha Khamis wa Azam FC amejiondoa kikosini kutokana na kuwa majeruhi, huku wachezaji wa Young Africans wakitarajiwa kujiunga na kikosi hicho cha timu ya Taifa mara tu baada ya mchezo wao wa Ligi Kuu ya Vodacom dhidi ya JKT Ruvu siku ya jumatano.

MALAWI KUWASILI ALHAMISI

Msafara wa watu 25 wa timu ya Taifa ya Malawi (The Flames) unatarajiwa kuwasili jijini Dar es salaam siku ya alhamis, kabla ya kuunganisha ndege siku ya ijumaa kuelekea jijini Mwanza tayari kwa mchezo wa kirafiki wa kimataifa dhidi ya Taifa Stars siku ya jumapili.

Katika msafara huo utakaokuwa na wachezaji 18 na viongozi 7, kocha mkuu wa The Flames Young Chimodzi amewajumuisha wachezaji nane (8) katika kikosi chake wanaocheza soka la kulipwa katika nchi za Afrika Kusini, Congo DR, Msumbuji na Zimbabwe.

Wachezaji wanaocheza soka la kulipwa nchini Afrika Kusini ni Limbikani Mzava (Celtic), Harry Nyirenda (Black Leopards), Esau Kanyenda (Polokwane City), na Atusaye Nyondo (University of Pretoria).

Wengine ni Nahodha Joseph Kamwendo (Tp Mazembe – Congo DR), Frank Banda (HBC Songo – Msumbuji), Chimango Kayira (Costal De Sol – Msumbuji) na Gerald Phiri (Caps United – Zimbambwe).

VPL KUENDELEA KESHO

Ligi Kuu ya Vodacom Tanzania Bara ianatrajiwa kuendelea kesho (jumatano) kwa mchezo mmoja kupigwa kwenye Uwanja wa Taifa jijini Dar es salaam, kwa wenyeji JKT Ruvu kuwakaribisha vinara wa ligi hiyo timu ya Young Africans.

KILUVYA BINGWA SDL

Timu ya Kiluvya United ya mkoa wa Pwani jana imetawazwa Mabingwa wapya wa Ligi Daraja la Pili (SDL) baada ya kuifunga Mbao FC ya Mwanza kwa mabao 4-2 katika mchezo wa fainali uliofanyika kwenye Uwanja wa kumbukumbu ya Karume jijini Dar es salaam.

Kiluvya United inaunganana timu za Mji Mkuu (CDA) ya Dodoma, Mbao FC ya Mwanza na Mji Njombe ya Njombe kupanda Ligi Daraja la Kwanza (FDL)msimu ujao, huku timu za Ujenzi Rukwa, Katavi FC na Volcano zikishuka daraja kutoka Ligi Daraja la Pili.

MALINZI AWAPONGEZA TWIGA STARS

index   Rais wa Shrikisho la Mpira wa Miguu nchini –TFF Bw. Jamal Malinzi ametuma salama za pongezi kwa timu ya Taifa ya Tanzania ya Wanawake (Twiga Stars) kwa kuibuka na ushindi wa mabao 4-2 dhidi ya timu ya Taifa ya Zambia (The She-polopolo).

Katika salam zake Rais Malinzi amesema ushindi walioupata Twiga Stars katika mchezo huo wa awali, umetokana na maandalizi mazuri waliyoyapata chini ya kocha mkuu Rogasian Kaijage, benchi lake la ufundi na TFF.

Aidha Rais amewataka Twiga Stars kutobweteka kwa ushindi huo wa awali walioupata, bali wanapaswa kujiandaa vizuri zaidi kwa ajili ya mchezo wa marudiano ili waweze kupata ushindi na kuipeperusha vuzuri bendera ya Taifa ya Tanzania.

Mchezo wa marduiano unatarajiwa kufanyika kati ya April 10,11 na 12, 2015, huu jijini Dar es alaam na mshindi wa jumla atafuzu moja kwa moja kwenye fainali za Afrika kwa Soka la Wanawake (All Africa Games Women)  zitakazofanyika Brazzavile Congo Septemba 3-18 mwaka huu.

Twiga Stars inatarajiwa kuwasili saa 7 kamili usiku (jumanne) jijini Dar es salaam kwa usafiri wa Shirika la Ndege la Ethiopia ikitokea nchini Zambia.

Kwa niaba ya familia ya mpira wa miguu , Shirikisho la Mpira wa Miguu nchini (TFF), watanzania wote wanawapa pongezi  Twiga Stars kwa ushindi walioupata wa awali na kuwatakia maandalizi mema ya mchezo wa marudaiano.

Mabao ya Twiga Stars katika mchezo wa jana dhidi ya Zambia (The She-polopolo) yalifungwa na Asha Rashid (2), Shelder Boniface (1) na Sophia Mwasikili (1).

 

BEACH SOCCER YAREJEA 

    Wakati huo timu ya Taifa ya Tanzania ya Soka la Ufukweni (Beach Soccer) inarejea leo mchana saa 8:45, kwa Shirika la Ndege la Ethiopia ikitokea nchini Misri ambapo jana ilipoteza mchezo wake wa marudiano kwa kufungwa 9-4 na wenyeji.

Rais Malinzi amesema timu ya Soka la Ufukweni haikupata matokeo mazuri katika mchezo wake kutokana na ugeni wa michuano hiyo, uzoefu ndio ulikuwa kikwazo kwa timu ya Tanzania, kwani ndio mara ya kwanza kushiriki michuano hiyo ikiwa ni miezi sita tangu kutambulishwa kwa mchezo huo nchini Tanzania.

Ili kuwa na timu bora ya Taifa na wachezaji wengi wa mchezo huo, Shirikisho la Mpira wa Miguu nchini TFF limepanga kuutangaza na kuufundisha mpira wa ufukweni katika mikoa mbali mbali nchini Tanzania, tofauti na sasa ambapo mchezo huo unachezwa  Dar es salaam na Zanzibar.

Katika mchezo wa jana mabao ya Tanzania yalifungwa na Ally Rabbi (3) Kashiru Salum (1), Tanzania imetolewa kuwania kufuzu kwa fainali za Soka la Ufukweni barani Afrika na Misri kwa jumla ya mabao 15-6.

Misri imefanikiwa kufuzu kwa Fainali za Afrika kwa Soka la Ufukweni Visiwa vya Shelisheli, zitakazofanyika mwezi April mwaka huu kwa mara ya saba mfululizo tangu kuanzishwa kwa mchezo huo mwaka 2006 nchini humo.

Nchi 19 zashiriki Tamasha la Kimataifa la Lugha na Utamaduni nchini

1

Waziri wa Habari, Vijana, Utamaduni na Michezo Mhe. Dkt. Fenella Mukangara akiwahutubia washiriki wa Tamasha la Kimatafa la Lugha na Utamaduni lililoandaliwa na Kilimanjaro Dialogue Institute na kufanyika katika Ukumbi wa Mwalimu Nyerere jana Jijini Dar es Salaam na kuhusisha washiriki kutoka nchi 19 wakiwa na lengo la kuhamasisha matumizi ya lugha ya kiswahili.

2

Rais wa Kilimanjaro Dialogue Institute Bw. Ali Akkiz akizungumza na washiriki wa Tamasha la Kimataifa la Lugha na Utamaduni jana katika Ukumbi wa Mwalimu Nyerere Jijini Dar es Salaam.

3

Waziri wa Habari, Vijana, Utamaduni na Michezo Mhe. Dkt. Fenella Mukangara akipokea zawadi kutoka kwa Rais wa Kilimanjaro Dialogue Institute Bw. Ali Akkiz wakati wa Tamasha la Kimataifa la Lugha na Utamaduni jana katika Ukumbi wa Mwalimu Nyerere Jijini Dar es Salaam.

4

Naibu katibu Mkuu Wizara ya Habari, Vijana, Utamaduni na Michezo Prof. Elisante Ole Gabriel kushoto akifurahia maonyesho mbalimbali yaliyokua yakionyeshwa na vijana wakati wa Tamasha la Kimatafa la Lugha na Utamaduni jana jijini Dar es Salaam. Kulia ni Rais wa Kilimanjaro Dialogue Institute Bw. Ali Akkiz na wapili kulia ni Waziri wa Habari, Vijana, Utamaduni na Michezo Mhe. Dkt. Fenella Mukangara.

5

Washiriki kutoka nchi 19 wakifuatilia kwa makini matukio yaliyokua yakiendelea katika Tamasha la Kimatafa la Lugha na Utamaduni lililoandaliwa na Kilimanjaro Dialogue Institute na kufanyika katika Ukumbi wa Mwalimu Nyerere jana jijini Dar es Salaam.

7

Wanafunzi kutoka shule za Feza wakiburudisha wakati wa Tamasha la Kimatafa la Lugha na Utamaduni lililoandaliwa na Kilimanjaro Dialogue Institute na kufanyika katika Ukumbi wa Mwalimu Nyerere jana jijini Dar es Salaam na kuhusisha washiriki kutoka nchi 19 wakiwa na lengo la kuhamasisha matumizi ya lugha ya kiswahili.

…………………………….

Na Lorietha Laurence na May-Zuhura Simba -Maelezo

Waziri wa Habari, Vijana, Utamaduni na Michezo Mhe. Dkt. Fenella Mukangara ameeleza kuwa lugha ina mchango mkubwa katika maendeleo ya jamii ikiwa itakuzwa sambamba na maendelao ya teknolojia.
Kauli hiyo ameitoa jana jijini Dar es Salaam wakati wa Tamasha la Kimataifa la Lugha na Utamaduni na kufafanua kuwa tamasha hilo limeonyesha kukua kwa lugha ya Kiswahili ambao ni utambulisho wa nchi yetu tangu kupatikana kwa uhuru.
“Mkusanyiko wa leo umeanzisha safari ndefu ya kukuza lugha yetu ya Taifa toka ngazi za chini hadi za kimataifa, hivyo Tanzania imefarijika kuwa mwenyeji wa shughuli hii muhimu “alisema Mhe. Dkt. Mukangara.
Aliongeza kuwa kwa upande wa serikali ya Tanzania imechukua hatua mbalimbali ya kukiendeleza Kiswahili kwa kukifanya kuwa lugha ya kufundishia kuanzi shule ya Msingi hadi Elimu ya Juu.
Dkt. Mukangara ametoa wito kwa vijana kujifunza Kiswahili na kuitumia lugha hiyo kuweza kujipatia ajira kwa kutangaza utumiaji wa bidhaa za lugha na utamaduni ambazo zina thamani kubwa kiuchumi.
“Lugha ni sawa na kiwanda ikitumiwa vizuri italeta ajira kwa jamii husika na kutumika kama lugha ya kufundisha wageni mbalimbali wanaokuja nchini na hata nchi za nje kwa kuipa hadhi ya kuzungumzwa sehemu mbalimbali” alisema Mhe. Dkt. Mukangara
Kwa Upande wa muandaaji wa tamasha hilo ambaye ni Rais wa Asasi za Kilimanjaro Dialogue Institute, Bw. Ali Akkiz amesema kuwa kupitia tamasha hilo wameweza kutangaza vivutio mbalimbali vya kiutamaduni vya jijini Dar es salaam na Zanzibar.
“Kwa kweli watoto wamefurahi kushiriki katika tamasha hili kwa kuweza kutembelea sehemu zenye vivutio vya utamaduni pamoja na historia najua wataondoka na taswira nzuri ya kutokuisahau nchi ya Tanzania” alisema Bw. Akkiz
Tamasha la Kimataifa la Lugha na Utamaduni ni la kumi 13 kufanyika ambalo limeshirikisha vijana wenye umri kati ya miaka 12 hadi 18 kutoka katika nchi 19 na nchi ya Tanzania kuwa mwenyeji wa tukio hili kwa mara ya kwanza.

NSSF CUP Jambo Leo wakimbia uwanja, Baada ya kuchapwa 3-0 na NSSF

Wachezaji wa Jambo Leo mpira wa miguu (wenye jezi rangi nyekundu) wakitoka uwanjani mara baada ya kufungwa goli la 3 na kususia mchezo huo kwa madai uwanja umeharibika kwa kujaa maji. Mchezo huo ulivunjika katika dakika 69.

Wachezaji wa Jambo Leo mpira wa miguu (wenye jezi rangi nyekundu) wakitoka uwanjani mara baada ya kufungwa goli la 3 na kususia mchezo huo kwa madai uwanja umeharibika kwa kujaa maji. Mchezo huo ulivunjika katika dakika 69.

Wachezaji wa timu ya NSSF mpira wa miguu wakitoka uwanjani huku wakipongezana  mara baada ya mwamuzi kumaliza pambano lao na timu ya Jambo Leo. NSSF walipewa ushindi wa magoli 3-0. Baada ya Timu ya Jambo Leo kukimbia uwanjani baada ya kufungwa goli la 3 katika dakika 69 ikisingizia uwanja mbaya.

Wachezaji wa timu ya NSSF mpira wa miguu wakitoka uwanjani huku wakipongezana mara baada ya mwamuzi kumaliza pambano lao na timu ya Jambo Leo. NSSF walipewa ushindi wa magoli 3-0. Baada ya Timu ya Jambo Leo kukimbia uwanjani baada ya kufungwa goli la 3 katika dakika 69 ikisingizia uwanja mbaya.

Wachezaji wa timu ya NSSF mpira wa miguu wakitoka uwanjani mara baada ya mwamuzi kumaliza pambano lao na Jambo Leo na kupewa ushindi wa magoli 3-0. Timu ya Jambo Leo ilikimbia uwanjani baada ya kufungwa goli la 3 katika dakika 69 ikisingigia uwanja mbaya.

Wachezaji wa timu ya NSSF mpira wa miguu wakitoka uwanjani mara baada ya mwamuzi kumaliza pambano lao na Jambo Leo na kupewa ushindi wa magoli 3-0. Timu ya Jambo Leo ilikimbia uwanjani baada ya kufungwa goli la 3 katika dakika 69 ikisingigia uwanja mbaya.

Baadhi ya viongozi na wachezaji wa akiba wa Timu ya Uhuru Media wakifuatilia pambano lao na Sahara Media.

Baadhi ya viongozi na wachezaji wa akiba wa Timu ya Uhuru Media wakifuatilia pambano lao na Sahara Media.

Kaimu Mkurugenzi Mtendaji wa Uhuru FM, Angel Akilimali (kulia) akishirikishana jambo na mmoja wa viongozi wa timu yake uwanjali. Katika mchezo huo Uhuru ilishinda bao 2-1.

Kaimu Mkurugenzi Mtendaji wa Uhuru FM, Angel Akilimali (kulia) akishirikishana jambo na mmoja wa viongozi wa timu yake uwanjali. Katika mchezo huo Uhuru ilishinda bao 2-1.

Mshike mshike Mpira wa Pete, wachezaji wa New Habari (rangi njano) pamoja na wachezaji wa timu ya Business Times wakichuana, B/Times ilishinda mchezo huo kwa magoli 46-2.

Mshike mshike Mpira wa Pete, wachezaji wa New Habari (rangi njano) pamoja na wachezaji wa timu ya Business Times wakichuana, B/Times ilishinda mchezo huo kwa magoli 46-2.

Mchezaji wa Mpira wa Pete wa Business Time (mwenye mpira) akijiandaa kufunga katika goli la New Habari, B/Times ilishinda mchezo huo kwa magoli 46-2.

Mchezaji wa Mpira wa Pete wa Business Time (mwenye mpira) akijiandaa kufunga katika goli la New Habari, B/Times ilishinda mchezo huo kwa magoli 46-2.

Baadhi ya maofisa na wafanyakazi wa Shirika la NSSF wanaoendelea kutoa huduma mbalimbali za NSSF kwa wateja wanaofika viwanja vya TTC Changombe kufuatilia mashindano ya NSSF Media Cup wakiwa katika picha ya kumbukumbu kwenye banda la huduma.

Baadhi ya maofisa na wafanyakazi wa Shirika la NSSF wanaoendelea kutoa huduma mbalimbali za NSSF kwa wateja wanaofika viwanja vya TTC Changombe kufuatilia mashindano ya NSSF Media Cup wakiwa katika picha ya kumbukumbu kwenye banda la huduma.

Kikosi cha Uhuru FM (wenye njano na bluu)  kikipiga picha ya kumbukumbu pamoja na mwamuzi wa mchezo na mchezaji mmoja wa timu pinzani. Katika mchezo huo Uhuru ilishinda bao 2-1.

Kikosi cha Uhuru FM (wenye njano na bluu) kikipiga picha ya kumbukumbu pamoja na mwamuzi wa mchezo na mchezaji mmoja wa timu pinzani. Katika mchezo huo Uhuru ilishinda bao 2-1.

Kiosi cha Sahara Media kikipiga picha ya pamoja kabla ya kupambana na Uhuru Media. Katika mchezo huo Uhuru ilishinda bao 2-1.

Kiosi cha Sahara Media kikipiga picha ya pamoja kabla ya kupambana na Uhuru Media. Katika mchezo huo Uhuru ilishinda bao 2-1.

Baadhi ya wachezaji wa Jambo Leo wakiwa wamesimama nje ya uwanja baada ya kuweka mpira kwapani mara baada ya kufungwa goli la 3 katika dakika 69. Mwamuzi wa mpambano huo aliamua kumpa ushindi NSSF baada ya Jambo Leo kutoka uwanjani.

Baadhi ya wachezaji wa Jambo Leo wakiwa wamesimama nje ya uwanja baada ya kuweka mpira kwapani mara baada ya kufungwa goli la 3 katika dakika 69. Mwamuzi wa mpambano huo aliamua kumpa ushindi NSSF baada ya Jambo Leo kutoka uwanjani.

Baadhi ya wachezaji wa akiba wa timu ya NSSF wakifuatilia tukio la kusimama kwa pambano kati yao na Jambo Leo dakika ya 69. NSSF hadi mpira unasimama ilikuwa ikiongoza kwa goli 3-0.

Baadhi ya wachezaji wa akiba wa timu ya NSSF wakifuatilia tukio la kusimama kwa pambano kati yao na Jambo Leo dakika ya 69. NSSF hadi mpira unasimama ilikuwa ikiongoza kwa goli 3-0.

………………………………………………….

MASHINDANO ya NSSF Media Cup yameendelea kupamba moto ambapo leo timu ya mpira wa miguu ya NSSF imeichalaza bila huruma timu ya Jambo Leo kwa magoli 3 kwa mtungi. Mchezo huo mkali ambao uliwafanya wachezaji wa timu ya Jambo Leo kukimbia uwanjani kutokana na mvua ya magoli mfululizo ulivunjika dakika ya 69.

Mwamuzi wa mpambano huo alilazimika kumaliza mchezo baada ya kuwasubiri wachezaji wa Jambo Leo kurudi uwanjani kwa dakika 15 bila ya mafanikio kisha kuamua kumaliza pambano na kutoa ushindi kwa timu ya NSSF. Hadi pambano hilo linasimama katika dakika ya 69 NSSF ilikuwa ikiongoza kwa magoli 3 kwa mtungi.

Wachezaji wa Jambo Leo walitoka uwanjani kwa kudai hawawezi kumalizia mchezo huo kutokana na hali ya uwanja ambapo ulikuwa umejaa madimbwi ya maji kwa baadhi ya maeneo kutokana na mvua zinazoendelea kunyesha jijini Dar es Salaam. Jambo Leo waliomba pambano hilo lisimamishwe na kuendelea kesho au siku nyingine ambapo uwanja ulikuwa katika hali nzuri tofauti na ilivyokuwa.

Hata hivyo Kamisaa wa Mchezo huo, Majuto Omary alisema mpambano huo hauwezi kurudiwa maana kanuni za mashindano haziruhusu na kuongeza kuwa kama Jambo Leo waliona uwanja ni mbovu wangeligoma tangu awali na sio kusubiri mchezo uchezwe hadi dakika ya 69.

“…Kanuni za mashindano haya haziruhusu wanachotaka Jambo Leo, kwanini wakimbie uwanjani baada ya kufungwa magoli matatu…mbona hawakugoma tangu mchezo haujachezwa hii ni janja yao wameona wamefungwa tena magoli mengi ndio wakimbie uwanja hii haikubaliki, ushindi utaenda kwa aliyeshinda na pambano halirudiwi,” alisema Omary.

Mvua ya magoli nyingine katika mashindano hayo iliwakumba timu ya Mpira wa Pete wasichana ya New Habari ambapo ilichalazwa magoli 46 kwa mawili na timu ya Business Times wasichana katika mchezo wao uliofanyika TTC Chang’ombe. Katika mchezo huo Busuness Timu walionekana kuutawala mchezo kwa muda wote na kuwapeleka puta akinadada wa New Habari kabla ya kuogelea mvua hiyo ya magoli.

Katika mchezo mwingine wa mpira wa miguu, Timu ya Uhuru Media iliichapa Sahara Media kwa magoli 2-1. Timu ya Sahara ndio waliokuwa wa kwanza kupata goli ambapo walipachika bao la kwanza katika dakika 26 kupitia kwa mchezaji wao Deodatus Nkwabi alilofunga kwa kichwa.

Uhuru walikuja juu dakika 46 ambapo mchezaji wao Mussa Gadi alifunga goli kwa mpira wa adhabu na kusawazisha mchezo. Mchezaji wa Uhuru Media, Ayub Malale alicheka na nyavu za Sahara Media katika dakika 87 baada ya kuunganisha crosi na kufanikiwa kufunga bao la pili. Hadi mwisho wa mchezo huo Uhuru 2 na Sahara 1.

Mashindano ya NSSF Media cup yanaendelea katika viwanja vya TCC Chang’ombe na Bandari Jijini Dar es Salaam, yakihusisha mpira wa miguu na mpira wa Pete ambapo vyombo mbalimbali vya Habari vinashiriki michezo hiyo. Mashindano hayo yanaambatana na wiki ya Huduma Kwa wateja ya NSSF ambapo wateja watapata fursa ya kupata elimu kuhusu huduma za NSSF.

Kama wewe ni Mkazi wa Dar es Salaam Tafadhali tembelea banda la NSSF katika viwanja vya TCC Chang’ombe kuanzia Tarehe 20/03/2015 hadi Tarehe 29/03/2015 saa 03:00 asubuhi hadi 11:00 jioni. Mwanachama ataweza kupata taarifa ya michango yake, Kujiandikisha Kwa Wanachama wapya na vile vile watapata elimu kuhusu huduma mbalimbali za NSSF.

Serikali Kuboresha Kiwango cha Soka Nchini.

002Na Anitha Jonas – MAELEZO,Dodoma.

………………………………………………………
Serikali ya Jamhuri ya Muungano wa Tanzania yajipanga kufanya Utafiti wa kushuka kwa kiwango cha soka nchini hayo yasemwa Naibu Waziri wa Habari,Vijana,Utamaduni na Michezo Mhe.Juma Nkamia,Bungeni Mjini Dodoma tarehe 20.03.2015.
Mhe.Nkamia aliyasema hayo alipokuwa akijibu swali la Mhe.Abdallah Ali Mbunge wa (Kiwani)lililohoji juu ya kushuka kwa kiwango cha soka nchini ikilinganishwa na miaka ya 1970 na 1980,na kusema kushuka kwa soka nchini kunategemeana na vigezo mbalimbali ikiwemo ligi za ndani,Idadi ya Timu zinazoshiriki pamoja na matokeo ya Kimataifa na Viwango vya FIFA.
“Serikali inatoa pongeza Shirika la NSSF pamoja na Timu ya Real Madrid kwa kuanzisha mfumo mzuri wa kuinua soka la Tanzania kwa kuanzisha timu za kuibua vvijana wenye vipaji vya kucheza soka nchini”,alisema Mhe.Nkamia.
Katika kipindi cha maswali ya nyongeza Mhe.Idd Azzan Mbunge wa Ilala, ambaye ni mdau mkubwa wa michezo alihoji juu ya mpango wa Serikali wa kuweka picha za wachezaji maarufu wa zaman katika Uwanja wa Taifa mfano kama mchezaji Abdallah Kibadeni na wengine waliyoiletea sifa kubwa taifa.
Naye Naibu Waziri wa Habari,Vijana,Utamaduni na Michezo alijibu kuwa serikali inashughulikia suala hilo ila kumekuwa na tatizo kubwa la upatikanaji wa picha za wachezaji hao wazamani lakini Wizara itajitahidi kulighulikia hilo kwa ushirikiano na Idara ya Habari Maelezo.
Mbali na hayo Mhe.Nkamia alisema kigezo cha wachezaji wa miaka ya 1970 hadi 1980 kulikuwa na idadi ndogo ya wachezaji ukilinganisha na sasa pia idadi ya klabu za soka zilikuwa hazidi hata 30 kwa wakati huo bali kwa sasa kuna zaidi ya vilabu 100 .
Pia katika miaka ya 1980 Tanzania ilikuwa na wachezaji wasiozidi watano waliokuwa wakicheza soka la kulipwa na kuanzia miaka ya 2000 mpaka sasa kuna wachezaji zaidi ya 15 wanaocheza soka la kulipwa kwa wakati mbalimbali nje ya nchi.

Timu BEACH SOCCER YAWASILI SALAMA MISRI

indexTimu ya Taifa ya soka la Ufukweni (Beach Soccer) imewasili salama jijini Cairo nchini Misri tayari kwa mchezo wa marudiano dhidi ya wenyeji kuwania kufuzu kwa fainali za mataifa Afrika zitakazofanyika Visiwa vya Shelisheli.

Msafara wa timu ya soka la Ufukweni ulipokelewa na maofisa wa Ubalozi wa Tanzania waliopo nchini Misri,  pamoja na viongozi wa chama cha soka nchini Misri (EFA).

Leo jioni kikosi kinatarajia kufanya mazoezi mepesi, kabla ya kesho kufanya mazoezi ya mwisho katika uwanja utakaofanyika mchezo siku ya jumapili.

Shirikisho la Mpira wa Miguu nchini TFF linaitakia kila la kheri timu ya soka la ufukweni katika mchezo wake wa marudiano siku ya jumapili dhidi ya Misri.

FAINALI SDL JUMATATU

Fainali ya kumsaka Bingwa wa Ligi Daraja la Pili (SDL) inatarajiwa kufanyika siku ya jumapili katika uwanja wa Karume jijini Dar es salaam siku ya jumatatu Machi 23 mwaka huu kuanzia saa 10 kamili jioni.

Mchezo huo wa fainali utazikutanisha timu za Mbao FC ya Mwanza dhidi ya Kiluvya United FC ya Pwani, ambapo mshindi wa mchezo ndio atakua Bingwa mpya wa Ligi Daraja la Pili.

Jumla ya timu nne tayari zimeshapanda Ligi Daraja la Kwanza (FDL) kutoka Ligi Daraja la Pili (SDL) ambazo ni Kiluvya United ya Pwani, Mji Njombe ya Njombe, Mbao ya Mwanza na Mji Mkuu (CDA) ya Dodoma.

IMETOLEWA NA SHIRIKISHO LA MPIRA WA MIGUU TANZANIA (TFF)

MKURUGENZI WA TIGO JACKSON KISWAGA ATUMIA ZAIDI YA SH MILIONI 10 KUFANIKISHA LIGI SOKA WILAYA YA IRINGA MAARUFU KAMA KISWAGA CUP

Kamu Meneja Mkuu
wa Tigo Tanzania, Cecile Tiano akikabidi jezi kwa moja ya timu
zinazoshiriki ligi ya wilaya ya Iringa (Kiswaga Cup) anayeshuhudia
kushoto ni mdhamini wa ligi hiyo Jackson Kiswaga ambaye pia ni
Mkurugenzi wa Tigo Nyanda za Juu Kusini


Akikabidhi vifaa hivyo


Kiswaga akieleza sababu za kufadhili ligi hiyo kwa lengo la kukuza sekta ya mchezo wa soka wilayani Iringa


Wakiwa katika picha ya pamoja na wawakilishi wa timu hizo

WAMBURA MCHEZAJI BORA VPL FEBRUARI

wambura

Kiungo wa timu ya Coastal Union, Godfrey Wambura amechaguliwa kuwa mchezaji bora wa mwezi Februari 2015 wa Ligi Kuu ya Vodacom (VPL) inayoendelea kutimua vumbi kwenye viwanja mbalimbali nchini.

Wambura amechaguliwa kuwa mchezaji bora baada ya jopo la makocha linalofanya majumuisho ya wachezaji bora wa kila mchezo, ambapo kiungo huyo ameweza kuwapiku wachezaji Saimon Msuva wa Young Africans, Abasirim Chidiebere wa Stand United na  Gideon Benson wa Ndanda FC.

Kwa kuibuka mchezaji bora wa mwezi Februari, Wambura atazawadiwa fedha taslimu sh. milioni moja  kutoka kwa wadhamini wa ligi hiyo kampuni ya simu za mkononi ya Vodacom.

Jopo maalumu la makocha waliopo katika viwanja vyote vinavyotumika kwa mechi za Ligi Kuu ya Vodacom (VPL) ndiyo wanaofanya kazi ya kuchagua mchezaji bora kwa kila mechi kwa kuzingatia vigezo vilivyowekwa, na baadaye alama zao kujumlishwa ili kumpata mshindi wa mwezi.

Wakati huo huo timu ya Taifa ya Wanawake (Twiga Stars) inatarajiwa kuagwa mbele ya waandishi wa habari kesho alhamisi saa 5 kamili katika ukumbi wa TFF Karume.

MASHINDANO YA NSSF MEDIA CUP YAENDELEA KWA SIKU YA TATU AMBAPO TIMU YA TUMAINI WALICHUANA VIKALI NA TIMU YA WIZARA YA HABARI KATIKA VIWANJA VYA TCC CLUB CHANGOMBE.

unnamed

Mchezaji wa Tumaini media akijaribu kumpita mchezaji wa Wizara ya Habari wakati wa mechi iliyofanyika jana katika viwanja vya TCC Changombe, Tumaini Media iliibuka kwa Ushindi wa magoli 6 kwa 0.

unnamed1

Wachezaji wa Tumaini Media wakishangilia goli baada ya kuifunga timu ya Wizara ya Habari wakati wa mechi iliyofanyika jana katika viwanja vya TCC Changombe jijini Dar es Salaam.

BEACH SOCCER KUONDOKA ALHAMISI kuelekea jijini Cairo nchini Misri

indexTimu ya Taifa ya Tanzania ya soka la ufukweni (Beach Soccer) inatarajiwa kuodoka siku ya alhamisi kuelekea jijini Cairo nchini Misri kwa ajili ya mchezo wa marudiano kuwania kufuzu kwa fainali za Mataifa Afrika kwa soka la ufukweni utakaofanyika siku ya jumapili.

 Tanzania inapaswa kupata ushindi katika mchezo wa marudiano dhidi ya Misri utakaofanyika siku ya jumapili jijini Cairo ili kufuzu kwa fainali za soka la ufukweni barani Afrika zitakazofanyika visiwa vya Shelisheli kufuatia kupoteza mchezo wake awali uliofanyika Escape 1 jijini Dar es salaam mwishoni mwa wiki.

Msafara wa timu ya Beach Soccer utakaoondoka na shirika la ndege la Ethiopia, utaongozwa na Mjumbe wa Kamati ya Utendaji Ahmed Msafiri Mgoyi, kocha mkuu John Mwansasu, kocha msaidizi Ali Sheikh Alhashby, meneja Deogratius Baltazar na daktari wa timu Dr Leonidas Rugambwa.

Wachezaji ni Rajabu Chana Kipango, Ahmed Rajab Juma, Roland Revocatus Kessy, Samwel Sarungi Opanga, Feisal Mohamed Ussi, Mohamed Makame Silima, Mwalimu Akida Hamad, Juma Sultan Ibrahim, Kashiru Salum Said na Ally Rabby Abdallah.

TWIGA STARS KUWAFUATA ZAMBIA IJUMAA

Msafara wa watu 25 wa timu ya Taifa ya Tanzania ya Wanawake (Twiga Stars), unatarajiwa kuondoka nchini siku ya ijumaa kuelekea nchini Zambia kwa ajili ya mchezo wake wa kwanza dhidi ya timu ya Taifa ya Wanawake ya Zambia siku ya jumapili.

Twiga Stars inaanzia hatua ya pili katika kuwania kufuzu kwa Fainali za Afrika kwa Wanawake baada ya kuwa katika nafasi za juu kwa viwango barani Afrika, na endapo itafanikiwa kuwaondoa Wazambia itafuzu moja kwa moja kwa fainali hizo.

Msafara utaongozwa na Blassy Kiondo (Mjumbe wa Kamati ya Utendaji), Beatrice Mgaya (kiongozi msaidizi), Rogasin Kaijage (kocha mkuu), Nasra Juma (kocha msaidizi), Furaha Francis (Meneja), Christine Luambano (Daktari) na Mwanahamis Abdallah (Mtunza vifaa).

Wachezaji watakokweda Zambia ni Asha Rashid, Mwajuma Abdallah, Mwanahamis Omar, Donisi Minja, Amina Bilal, Fatuma Bashiri, Esther Chabruma, Shelda Mafuru, Maimuna Kaimu, Najiat Abbas, Stumai Abdalla, Fauma Issa, Thereza Yona, Fatuma Hassan, Fatuma Omary, Sophia Mwasikili, Fatuma Khatibu na Etoe Mlenzi.

VPL KUENDELEA KESHO

 Ligi Kuu ya Vodacom inatarajiwa kuendelea kesho (jumatano) kwa viwanja vitatu kutimua vumbi, Uwanja wa Taifa jijini Dar es salaam Young Aricans watawakaribisha Kagera Sugar mchezo utakaoanza majira ya saa 10 kamili jioni.

Jijini Tanga maafande wa Mgambo Shooting watakua wenyeji wa Simba SC katika mchezo utakaofanyika uwanja wa Mkwakwani, huku jijini Mbeya wenyeji Mbeya City watawakaribisha timu ya ya Stand United kutoka mkoani Shinyanga kwenye uwanja wa Sokoine.

YANGA, PLATINUM ZAINGIZA MIL 91

Mechi ya Kombe la Shirikisho Barani Afrika kati ya Young Africas dhidi ya timu ya FC Platinum ya Zimbambwe iliyofanyika mwishoni mwa wiki katika Uwanja wa Taifa jijini Dar es salaam iliingiza mil 91,660,000 kutokana na watazamaji 14,563 waliokata tiketi kushuhudia mchezo huo.

Mgawanyo wa mapato katika mchezo huo ni, VAT 18% sh. 13,982,033, Gharama ya tiketi sh. 12,380,000, Uwanja 15% sh. 9,794,694.92, Gharama za mchezo 15% sh. 9,794,694.92, TFF 5% sh. 3,264,898.31, CAF 5% sh. 3,264,898.31 na Young Africans 60% sh.39.178,779.66

TASWIRA YA BONANZA LA WAFANYAKAZI WA KIWANDA CHA TUMBAKU MKOANI MOROGORO

 Wafanyakazi wa kampuni ya Tanzania Tobacco Lifes Company TLTC na Tanzania Tobacco Procesing Company TTPL wakishindana kunywa soda na kula mkate wakati wa bonanza la siku ya familia iliyofanyika Morogoro..
Wafanyakazi wa kike wa kampuni ya Tanzania Tobacco Lifes Company TLTC na Tanzania Tobacco Procesing Company TTPL wakishindana kuvuta kamba wakati wa bonanza la siku ya familia iliyofanyika wiki iliyopita katika viwanja vya Magadu
 Wafanyakazi  wa kampuni ya Tanzania Lefes Tobacco Company TLTC na Tanzania Tobacco Procesing Company TTPL wakishindana kukuna nazi wakazi wa bananza la siku ya familia ya kampmuni hizo yaliyofanyika wiki iliyopita katika viwanja vya magadu Manispaa ya Morogoro.  Manispaa ya Morogoro.
Mkurugenzi wa sheria na mahusiano wa kampuni hizo Richard Sinamtwa akiwasalimia watoto wa wafanyakazi wakati wa bonanza la siku ya familia lililofanyika mwishoni mwa wiki hii katika viwanja vya magadu manispaa ya Morogoro. Picha na Hamida Shariff, Morogoro
Morogoro.Wafanyakazi wa kampuni ya Tanzania Lifes Tobacco TLTC na Tanzania Tobacco Procesing  TTPL wametakiwa kudumisha michezo mbalimbali baada ya saa za kazi ili kujenga mahusiano mema baina yao pamoja na kuwa na afya bora.
Ushauri huo ulitolewa mwishoni mwa wiki iliyopita na Mkurugenzi wa Sheria na mahusiano wa kampuni hizo Richard Sinamtwa wakati akifungua bonanza la siku ya familia kwa wafanyakazi wa kampuni hizo lililofanyika katika viwanja vya Magadu, Maniaspaa ya Morogoro.
Sinamtwa alisema kwa kutambua michezo ni muhimu sehemu za kazi hivyo uongozi wa kampuni hizo uliamua kutenga siku ya maalumu kwa ajili ya bonanza la wafanyakazi.
Alisema kuwa bonanza hilo pia linashirikisha watoto wa wafanyakazi hao ambao nao wamekuwa wakicheza michezo mbalimbali na hivyo kufahamiana na kujenga urafiki.
Hata hivyo aliwataka wafanyakazi hao kudumisha suala la usalama kazini ili kuepuka na majanga na ajali zinazoweza kutokea kazini endapo suala la usalama kazini halitazingatiwa.
Pia aliwataka wafanyakazi kujituma, kudumisha uadilifu, uaminifu na kuongeza ufanisi wa kazi ili kampuni hizo ziweze kuongeza uzalishaji.
Naye Mwenyekiti wa bonanza hilo Dkt. Mose Makawu alisema kuwa siku hiyo ya familia kampuni hizo zimekuwa zikitoa zawadi kwa wafanyazi bora na waliofanyakazi kwa muda mrefu na kwa uadilifu.
Dkt. Makawu alisema kuwa kampuni hizo pia zimekuwa zikitoa zawadi kwa watoto wa wafanyakazi walioshinda kwenye michezo mbalimbali.
Kwa upande wake mfanyakazi bora wa kampuni hiyo Mhina Katongo alisema kuwa siri kubwa ya yeye kuwa mfanyakazi bora ni kujituma na uadilifu hivyo aliwataka wafanyakazi wenzake kufanyakazi kwa kuzingatia maadili na pia kudumisha nidhamu ya kazi.

COASTAL UNION WAANZA KUIPIGIA HESABU AZAM FC

unnamedNA MWANDISHI WETU,TANGA.

…………………………………………..

TIMU ya Coastal Union imewasili jijini Tanga ikiwa na mikakati mizito ya kuhakikisha inawanyamazisha wapinzani wao Azam FC ikiwa ni muendelezo wa Michuano ya Ligi kuu soka Tanzania bara mchezo unaotarajiwa kucheza kwenye uwanja wa CCM Mkwakwani wikiendi ijayo.

Akizungumza leo na waandishi wa habari, Ofisa Habari wa Coastal Union,Oscar Assenga amesema kuwa sasa nguvu zao watazielekeza kwenye mchezo huo utakaochezwa kwenye mjini hapa.

Amesema kuwa dhamira yake aliyoipanga ni kuchukua pointi tatu muhimu dhidi ya Ruvu Shooting haikuweza kutimia na kujikuta wakilazimishwa sare ya kufungana bao 1-1 hivyo atahakikisha inatimia kwenye mechi hiyo.

Amesema timu hiyo imerudi salama mkoani hapa na tayari wameshaanza kujipanga imara kuhakikisha mechi hiyo timu inapata ushindi n kutokana na uimara wa kikosi chao

Aidha amesema kuwa wachezaji wa kikosi hicho wameimarika zaidi na wapo imara kuweza kupambana kufa na kupona ili kuchukua pointi tatu muhimuzo zitawasogeza kwenye nafasi za juu kwenye msimamo wa Ligi hiyo.

Hata hiyo amewataka wapenzi na mashabiki wa soka mkoani hapa kuhakikisha wanajitokeza kwa wingi katika mchezo huo ili kuipa hamasa timu hiyo kuweza kutimiza ndoto zake.

Mkutano Mkuu wa TASWA umepangwa kufanyika Julai 25 na 26 mwaka huu mkoani Morogoro

imagesKAMATI YA Utendaji ya Chama cha Waandishi wa Habari za Michezo Tanzania (TASWA) ilikutana Dar es Salaam jana na kujadili masuala mbalimbali.     

A; MAFUNZO
Kikao kilikubaliana watafutwe wataalamu wa kuendesha mafunzo kwa kada mbalimbali za waandishi wa habari za michezo nchini ili kuongeza ufanisi katika namna ya kuripoti habari za michezo michezo mbalimbali.
Kundi la kwanza litakuwa la waandishi chipukizi ambao wapo chini ya miaka mitano katika taaluma, ambapo mafunzo yao yatafanyika Machi 25 mwaka huu Dar es Salaam yakishirikisha waandishi wa habari chipukizi 30 na wa kada ya kati 10.
Tayari TASWA imepata mdhamini wa mafunzo hayo na kinachofanyika hivi sasa ni uteuzi wa washiriki, ambapo wahariri wa habari za michezo watahusishwa kupendekeza washiriki kutoka katika vyombo vyao.
Wakufunzi wa semina hiyo watakuwa waandishi wa habari wakongwe, walimu wa uandishi wa habari na wataalamu wa michezo mbalimbali nchini. Jumatano Machi 18 TASWA itatangaza mdhamini wa mafunzo ya Dar es Salaam pamoja na majina ya washiriki.
 Awamu ya pili pia itafanyika Dar es Salaamwaandamizi ikihusisha waandishi wa habari za michezo wa kada ya kati 30 na waandishi wa habari waandamizi 10 na itafanyika mwanzoni mwa Mei mwaka huu.
Awamu ya tatu itahusisha waandishi wa habari za michezo waandamizi na wahariri wa habari za michezo na jumla yao itakuwa 40 na  itafanyika mkoani Mtwara Mei 29, 30 na 31 mwaka huu. TASWA ipo hatua za mwisho za mazungumzo na wadhamini wa mafunzo hayo ya Mtwara.
     B; MKUTANO MKUU
Mkutano Mkuu wa TASWA umepangwa kufanyika Julai 25 na 26 mwaka huu mkoani Morogoro, ambapo pamoja na mambo mengine utajadili Rasimu ya Katiba mpya ya chama hicho.
 
Kamati ya Utendaji ya TASWA imeteua kamati maalum ya kushughulikia katiba hiyo, ambapo hivi sasa Katibu Mkuu anawasiliana na wajumbe walioteuliwa katika kamati hiyo na baada ya wote kupewa barua na kukubali uteuzi atatangaza majina hayo.
 
C: Kamati ya Faraja
 
Kikao kilikubaliana kuwa iundwe Kamati ya Faraja kwa ajili ya kuwafariji wanachama wake kutokana na matukio mbalimbali yanayowakuta ikiwemo ugonjwa.
Uamuzi huo umechukuliwa kwa nia ya kuhakikisha waandishi wa habari za michezo wanakuwa wamoja kwa shida na raha kwa vile wamekuwa kama ndugu.
Kwa kuanzia TASWA inawaomba wadau wote kushirikiana na kamati hiyo ambayo jukumu lake la kwanza itakuwa kumsaidia mwandishi mkongwe nchini, Masoud Sanani, ambaye waandishi wengi kwa namna mbalimbali wamepita mikononi mwake.
Sanan hivi sasa ni mgonjwa kwa zaidi ya mwaka mmoja na yupo kwao Zanzibar, ambapo juzi niliwasiliana naye na amesema afya yake inazidi kuimarika siku hadi siku.
Kutokana na hali hiyo TASWA kwa kushirikiana na kamati hiyo imepanga kwenda kumjulia hali Jumapili Machi 22 mwaka huu.Tunaomba wadau waipe ushirikiano kamati yetu.
Walioteuliwa katika kamati hiyo na nafasi zao kwenye mabano ni Angela Msangi (Mwenyekiti), Majuto Omary (Katibu), Zena Chande (Mhazini),  Asha Kigundula, Isakwisa Mwaifuge  na Elias Kambili (Wajumbe).
 
D;MEDIA DAY
Maandalizi kuhusiana na bonanza kwa wanahabari yanaendelea na matumaini ni kuwa litafanyika Aprili 25 mwaka huu jijini Dar es Salaam kama ilivyopangwa.
 
E;MSIBA WA KOCHA MARSH
TASWA imepokea kwa masikitiko taarifa ya kifo cha aliyepata kuwa Kocha Msaidizi wa timu ya Taifa ‘Taifa Stars’, Sylivestre Marsh, hivyo inatoa pole kwa familia na wanamichezo wote hapa nchini katika kuomboleza kifo cha kocha huyo.
 Marsh atakumbukwa na waandishi wa habari za michezo kutokana na ukaribu wake na alikuwa na ushirikiano wa kutosha pale alipoombwa kufanya hivyo.

MASHINDANO YA NSSF MEDIA CUP 2015 YAFUNGULIWA

 Naibu Waziri wa Kazi na Ajira, Dk. Makongoro Mahanga akipiga mpira kuashiria ufunguzi wa mashindano ya NSSF Media Cup 2015, yaliyoanza kulindima katika viwanja vya Sigara, Chang’ombe Dar es Salaam leo asubuhi.
  Naibu Waziri wa Kazi na Ajira, Dk. Makongoro Mahanga akihutubia baada ya kufungua mashindano hayo.

 Naibu Waziri wa Kazi na Ajira, Dk. Makongoro Mahanga (katikati), akiwa meza kuu na viongozi mbalimbali waliohudhuria ufunguzi wa mashindano hayo. Kutoka kulia ni Mkuu wa Idara ya Masoko na Uhusiano wa NSSF, Eunice Chiume, Kaimu Mkurugenzi Mkuu wa NSSF,Ludovick Mrosso, Mwenyekiti wa Bodi ya Wadhamini NSSF, Abubakar Rajab, Mkurugenzi Rasilimali Watu, Chiku Matessa na Mkurugenzi wa Uthamini na Usimamizi wa Hadhara, Sadi Shemliwa.

 Kikosi cha Timu ya Free Media kilichofungua mashindano hayo kwa kucheza na Shirika la Utangazaji Tanzania TBC.
 Kikosi cha Shirika la Utangazaji Tanzania TBC kilichomenyana na Free Media na kuibuka washindi wa bao 1-0 na kuendelea na mashindano hayo.
 wadau wa michezo wakifuatilia mashindano hayo.

 Naibu Waziri wa Kazi na Ajira, Dk. Makongoro Mahanga (katikati), akiwasalimia wachezaji wa timu ya Netball ya NSSF.

 Wachezaji wa timu ya Netball ya NSSF wakimsikiliza mgeni rasmi Naibu Waziri wa Kazi na Ajira, Makongoro Mahanga.
Mchezaji wa timu ya Free Media, Moses Magwai (kushoto), akimtoka Shaban Kassim wa TBC wakati wakimenyana leo viwanja vya Sigara jijini Dar es Salaam.

Mwakalebela ‘aipa tano’ timu ya Njombe Mji

images

Na Mwandishi Wetu

……………………

MKUU wa Wilaya ya Wanging’ombe Fredrick Mwakalebela amewashukuru wakazi wa mkoa wa Njombe kwa ushirikiano wa kufanikisha timu ya soka ya Njombe Mji kupanda daraja kutoka la pili hadi la kwanza.

Akizungumza na Dira ya Mtanzania hivi karibuni, Mwakalebela alisema pamoja na jitihada za wakazi wa mkoa wa Njombe pia ametekeleza maagizo ya bosi wake mkuu wa Mkoa huo Dk. Rehema Nchimbi aliyemkabidhi kazi ya kuipandisha timu hiyo baada ya kuapishwa ambako alimweleza aisaidie timu hiyo ishiriki ligi daraja la kwanza msimu ujao.

Mwakalebela alisema anashukuru jitihada za Mkuu wa Mkoa aliyefanikisha kwa kiasi kikubwa timu hiyo kupanda daraja ambako hivi sasa  alitoa wito kwa viongozi wa  timu hiyo kujipanga upya kwa ziara za ndani na nje ya mkoa huo.

Alisema ili timu hiyo iwe katika ushindani inatakiwa ifanye mazoezi kwa kumenyana na timu za mikoa ya Mbeya, Ruvuma Wilayani Songea,  na miji mingine ili kuwa na ushindani na timu nyingine.

Aidha alisema timu hiyo itakapokuwa katika hali nzuri itazialika timu za Ligi Kuu Tanzania bara kujipima nguvu na timu hiyo .

Njombe mji imepanda daraja baada ya kuiadhibu Small Boys ya Songea, mchezo uliochezwa mwishoni mwa wiki iliyopita, mabingwa hao waliibuka na ushindi wa bao 1-0.

PAZI REUNION HOUSTON, TEXAS LEO KUWAKA MOTO WACHEZAJI WENGI NDANI YA NYUMBA

 Timu ya Pazi wanaume wakipata picha ya pamoja na mashabiki wao walipokua nyumbani kwa madikodiko ambaye pia ni mmoja wa waratimu wa tamasha hili la kumbukumbu ya timu hiyo iliyowika miaka mingi katika ukanda wa Afrika Mashariki na Afrika kwa ujumla. Tamasha hili lililobeba jina la Pazi Reunion litafikia tamati leo Jumamosi March 14, 2015 kwa mechi kadhaa na kuakumbuka na kuaenzi viongozi na wachezaji wa timu hiyo waliotangulia mbele ya haki.
 Pazi Queens wakiwa katika picha ya pamoja leo patakua hapatoshi.
Patrick Mwigula kutoka South Carolina na Atiki Matata kutoka Uingereza wachezaji wa Pazi waliowika miaka ya nyuma wakijadili mchezo wa leo kama walivyokutwa na kamera ya Vijimambo.
 Atiki Matata na Richard Kasesela wakipata picha ya pamoja.
Kulia ni Masawe shabiki wa Pazi wa miaka mingi si mazoezi si mechi alikua hakosekani uwanjani hapa akisalimiana na Richard Kasesela mara tu walipoonana baada ya kupoteana kwa miaka mingi.
Kutoka kushoto ni Emmanuel, Patrick na Kasesela wakikumbushana enzi zao za Pazi.
Wachezaji wa Pazi toka kushoto ni Vitalis Gunda toka Maryland, Richard Kasesela toka Tanzania na Willy Crrusa toka Houston, Texas wakikumbushana enzi zao.

NGUMI KUPIGWA JUMAPILI UWANJA WA NDANI WA TAIFA MABONDIA WAZIDUNDA KAVU KAVU

 

Mabondia Mada Maugo kushoto na Kalama Nyilawila wakikunjana baada ya kupima uzito kwa ajili ya mpambano wao wa jumapili katika uwanja wa ndani wa taifa

Picha na www.superdboxingcoach.blogspot.com

Mabondia Mada Maugo kushoto na Kalama Nyilawila wakikunjana baada ya kupima uzito kwa ajili ya mpambano wao wa jumapili katika uwanja wa ndani wa taifa.
Bondia Thomas Mashali akipima uzito

Bondia Japhert Kaseba akipima uzito kulia ni mpinzani wake Said Mbelwa akishudia kwa ajili ya mpambano wao wa jumapili ya march 15 katika uwanja wa ndani wa taifa .

Bondia Said Mbelwa akipima uzito kulia ni mpinzani wake Japhert Kaseba akishudia kwa ajili ya mpambano wao wa jumapili ya march 15 katika uwanja wa ndani wa taifa.
Mabondia Said Mbelwa na Japhert Kaseba wakitunishiana misuli baada ya kupima uzito kwa ajili ya mpambano wao wa jumapili ya march 15 katika uwanja wa ndani wa taifa

Na Mwandishi Wetu

MABONDIA Mada Maugo na Kalama Nyilawila nusula wazipige kavu kavu wakati wa upimaji wa uzito
kwa ajili ya mpambano wao wa kesho jumapili mpambano utakaofanyika uwanja wa ndani wa Taifa wakati wa upimaji uzito
Maugo alienda kumtambia Kalama na kumpiga kibao pamoja na teke kali sana lililompiga Kocha wa kimataifa wa mchezo wa masumbwi nchini Rajabu Mhamila ‘Super D’ wakati akiamulizia ugomvi uho hapo ndipo lilipozuka songombingo kali kwa mashabiki wa kambi zote mbili wakitaka kuzipiga kavu kavu uku maugo akiwa ameshapanda moli wa kupigana nje ya uringo
mpambano uho ambao utakuwa na michezo mingine ya kumaliza ubishi ni kati ya Thomas Mashali atakaemkabili Abdallah Pazi na Japhert Kaseba atapambana na Saidi Mbelwa mipambano hiyo yote yatafanyika siku ya jumapili march 15 katika uwanja wa ndani wa taifa
ambapo baadhi ya mashabiki wameomba baadhi ya daladala zinazofanya kazi usiku kwenda kuwa chukuwa pindi wamalizapo kuangalia mapambano hayo yaliyo na ushindani wa kweli

siku hiyo kutakuwa na uzwaji wa DVD za ngumi  mabingwa wa Dunia akiwemo Manny Paquaio, Floyd Maywether, Roy Jones,Miguel Cotto,Linox Lewis, David Haye,Mohamed Ali
na wengine wengi DVD hizo zilizoandaliwa kwa ubora wa hali ya juu zitakuwa zikiuzwa kwenye mpambano huo na Kocha wa Kimataifa wa mchezo huo. Rajabu Mhamila ‘Super D’, alisema kuwa kutakuwa na DVD ili kuweza kuwauzia mashabiki kwa ajili ya kujifunza Kanuni na Sheria za mchezo huo.

Tanzania kuwa mwenyeji Tamasha la Kimataifa la Lugha na Utamaduni

1

Waziri wa Habari, Vijana, Utamaduni na Michezo Mhe. Dkt. Fenella Mukangara akizungumza na wageni waliofika ofisini kwake kumjulisha kuhusu Tamasha la Kimataifa la Lugha na Utamaduni lililoandaliwa na Kilimanjaro Dialogue Institute litakalofanyika nchini Tanzania na kuhusisha nchi 18 tarehe 21 na 22 Machi mwaka huu. Kushoto ni Naibu Katibu Mkuu Wizara ya Habari, Vijana, Utamaduni na Michezo Prof. Elisante Ole Gabriel, wakwanza kulia ni Bw. Ramadhani Madabida na anayefuata ni Rais wa Kilimanjaro Dialogue Institute Bw. Ali Akkiz.

2

Naibu Katibu Mkuu Wizara ya Habari, Vijana, Utamaduni na Michezo Prof. Elisante Ole Gabriel (watatu kushoto) akizungumza na waandaaji wa Tamasha la Kimataifa la Lugha na Utamaduni lililoandaliwa na Kilimanjaro Dialogue Institute na kuhusisha nchi 18 zikiwemo France, USA, South Africa, Iraq, Mozambique, na Thailand. Kulia ni Rais wa Kilimanjaro Dialogue Institute Bw. Ali Akkiz na wapili kulia ni Waziri wa Habari, Vijana, Utamaduni na Michezo Mhe. Dkt. Fenella Mukangara.

3

Bw. Ramadhani Madabida (kulia) akifafanua jambo walipokutana na Waziri wa Habari, Vijana, Utamaduni na Michezo Mhe. Dkt. Fenella Mukangara wakwanza kushoto kumpa taarifa ya Tamasha la Kimataifa la Lugha na Utamaduni lililoandaliwa na Kilimanjaro Dialogue Institute litakalofanyika nchini Tanzania tarehe 21 na 22 Machi mwaka huu na kuhusisha nchi 18. katikati ni Rais wa Kilimanjaro Dialogue Institute Bw. Ali Akkiz.

4

Rais wa Kilimanjaro Dialogue Institute Bw. Ali Akkiz (wapili kulia) akielezea jinsi walivyojiandaa kufanikisha Tamasha la Kimataifa la Lugha na Utamaduni litakalohusisha nchi 18 walipokutana na Waziri wa Habari, Vijana, Utamaduni na Michezo Mhe. Dkt. Fenella Mukangara (wapili kushoto). Kushoto ni Naibu Katibu Mkuu Wizara ya Habari, Vijana, Utamaduni na Michezo Prof. Elisante Ole Gabriel, na kulia ni Bw. Ramadhani Madabida.

5

Waziri wa Habari, Vijana, Utamaduni na Michezo Mhe. Dkt. Fenella Mukangara akizungumza na waandaaji wa Tamasha la Kimataifa la Lugha na Utamaduni litakalofanyika nchini Tanzania tarehe 21 na 22 Machi mwaka huu na kuhusisha washiriki kutoka nchi 18 zikiwemo Tunisia, Central Africa, Romania, Nigeria, kongo, Kenya na Uganda. Kushoto ni Mkurugenzi Msaidizi Utamaduni Bibi. Lily Beleko na kulia ni Rais wa Kilimanjaro Dialogue Institute Bw. Ali Akkiz.

Picha na: Genofeva Matemu – Maelezo

GAPCO YAIPIGA TAFU MAENDELEO YA MICHEZO YA RIADHA NCHINI

Mkurugenzi mkuu wa GAPCO Afrika Mashariki Macharia Irungu akimpongeza Simon Mlewa mshindi wa kwanza mbio za walemavu kwa upande wa wanaume wanaotumia tricycle.
Mkuu wa wilaya ya  Moshi Novatus Makunga akimkabidhi zawadi Joseph Mungure mshidi wa kwanza mbio za walemavu kwa upande wa wanaume wanaotumia wheelchair. Kushoto ni Mkurugenzi Mtendaji wa GAPCO Tanzania Vijay Nair, Meneja Masoko Caroline Kakwezi na Mkurugenzi Mkuu wa GAPCO Afrika Mashariki Macharia Irungu. Kulia ni Katibu Mkuu wa kamati ya michezo ya walemavu Tanzania (Paralympic) Peter Sarungi.
Mkuu wa wilaya ya Moshi Novatus Makunga akimkabidhi zawadi mshindi wa kwanza mbio za walemavu kwa upande wa wanawake Linda Macha. Kushoto ni Mkurugenzi Mtendaji wa GAPCO Tanzania Vijay Nair na Meneja Masoko Caroline Kakwezi.

KILUVYA, MBAO FC, MJI NJOMBE, MJI MKUU ZAPANDA FDL

indexTimu za Kiluvya United ya Pwani, Mbao FC ya jijini Mwanza, Mji Njombe kutoka mkoa mpya wa Njombe na Mji Mkuu (CDA) ya Dodoma zimepanda Ligi Daraja la Kwanza (FDL) baada ya kuongoza katika misimamo ya makundi yao ya Ligi Daraja la Pili (SDL).

Kwa kuzingatia Kanuni ya 5 (8) ya Ligi Daraja 9SDL Toleo la 2014, hatua ya pili Ligi Daraja la Pili kutafuta Bingwa na sasa timu hizo zitacheza kusaka Bingwa wa ligi Daraja la Pili.

Mji Njombe itacheza na timu ya Kiluvya United tarehe 14 Machi mwaka huu katika uwanja wa Amani Makambako, na mchezo wa marudiano kufanyika tarehe 18 Machi, 2015 katika uwanja wa Mabatini Mlandizi.

Nayo Mbao FC ya Mwanza watawakaribisha timu ya Mji Mkuu FC mchezo utakaofanyika kwenye uwanja wa CCM Kirumba jijini Mwanza, na mechi ya marudiano itachezwa Machi 18, 2015 katika uwanja wa Jamhuri mjini Dodoma.

Fainali inatarajiwa kufanyika Machi 22 mwaka huu jijin Dar es salaam (uwanja wa mchezo utatangazwa baadae) kwa kuzikutanisha timu zilizopata pointi nyingi katika michezo hiyo miwili ya awali.

TAARIFA MBALIMBALI ZA KIMICHEZO KUTOKA SHIRIKISHO LA MPIRA WA MIGUU (TFF)

tff_LOGO1TANZANIA KUIVAA MISRI IJUMAA BEACH SOCCER

Timu ya Taifa ya Tanzania ya soka la ufukweni (Beach Soccer) inatarajiwa kucheza na timu ya Taifa ya Misri siku ya ijumaa majira ya saa 10 kamili jioni, mchezo utakofanyika katika klabu ya Escape 1 Msasani jijini Dar es salaam.

Kikosi cha timu ya Taifa ya Tanzania kinaendelea na mazoezi kujiandaa na mchezo huo, ambapo kwa takribani wiki mbili kipo kambini Bamba Beach wakijifua kwa mchezo huo.

Tanzania ilifuzu hatua ya pili baada ya kuiondoa timu ya Taifa ya Kenya kwa jumla ya mabao 12 -9, na endapo itafanikiwa kuwaota Misri, itafuzu moja kwa moja kucheza Fainali za soka la Ufukweni zitakazofanyika Visiwa vya Shelisheli mwezi April  mwaka huu.

Waamuzi wa mchezo huo ni Eid Haitham Eid Hassan (Sudan), mwamuzi msaidzi wa kwanza  Abaker Mohamed Bilal (Sudan), mwamuzi msaidizi wa pili Abdalla Hassain Hassaballa, mtunza muda (time-keeper) Boubaker Bessem (Tunisia) wakati kamisaa wa mchezo huo ni Khiba Herbert Mohoanyane kutoka Lesotho.

Nayo timu ya Taifa ya Misri inatarajiwa kuwasili Dar es salaam kesho (jumatano) mchana, ambapo itafikia katika hoteli ya Double Tree by Hilton iliyopo Masaki, huku waamuzi wa mchezo huo wakitarajiwa pia kuwasili kesho na kufikia katika hotel ya Protea Oysterbay.

Aidha siku ya alhamis makocha wa timu zote wataongea na vyombo vya habari katika ukumbi wa mikutano wa TFF uliopo Karume kuanzia majira ya saa 5 kamili asubuhi.

Mchezo wa marudiano unatarajiwa kufanyika wiki ijayo nchini Misri kati ya Machi 20,21 na 22 mwaka huu.

Kwa niaba ya familia ya mpira wa miguu , Shirikisho la Mpira wa Miguu nchini (TFF), inaitakia kila la kheri na ushindi timu ya Taifa ya soka la ufukweni (Beach Soccer) katika huo dhidi ya Misri.

Wakati huo huo michezo miwili ya Ligi Kuu ya Vodacom iliyokuwa iichezwe kesho (jumatano)  kati ya JKT Ruvu dhidi ya Young Africans katika uwanja wa Taifa, na Mgambo Shooting dhidi ya Azam FC uwanja wa Mkwakwani jijini Tanga imeahirishwa  na sasa mechi hizo zitapangiwa tarehe nyingine.

 MKUTANO MKUU WA TFF

Maandalizi ya mkutano mkuu wa mwaka wa TFF utakaofanyika mjini Morogoro kati ya Machi 14,15 mwaka huu katika Ukumbi wa Morogoro Hotel yanaendelea vizuri.

Agenda za mkutano mkuu ni:

1.Kufungua Mkutano

  1. Uhakiki wa Wajumbe
  2. Kuthibitisha Ajenda.
  3. Kuthibitisha Muhtsari wa Mkutano Mkuu uliopita.
  4. Yatokanayo na Mkutano uliopita.
  5. Hotuba ya Rais.
  6. Ripoti kutoka kwa Wanachama
  7. Kuthibitisha ripoti ya utekelezaji wa Kamati ya Utendaji.
  8. Kuthibitisha ripoti ya Ukaguzi wa Hesabu 2013.
  9. Kuthibitisha ripoti ya Kamati ya Ukaguzi wa Hesabu.
  10. Kupitisha bajeti ya 2015
  11. Marekebisho ya Katiba
  12. Mengineyo
  13. Kufunga Mkutano.

FUTURE STARS KUSHIRIKI MICHUANO UGANDA

index
Mahmoud Ahmad Arusha
Kituo cha kukuza soka la vijana cha Future Stars Academy(FSA) cha jijini Arusha  kinataraji kushiriki  katika  michuano ya Uganda Junior League inayotaraji kutimua vumbi jijini Kampala mnamo Aprili 24 hadi 26 mwaka huu.
Kwa mujibu wa taarifa iliyotolewa na mkurugenzi na mwanzilishi wa kituo hicho,Alfred  Itaeli alisema kuwa kituo chao kinataraji kupeleka timu ya watoto ya U-15 katika michuano hiyo kwa lengo la kushindana na kisha kunyakua ubingwa.
Alisema kuwa  ushiriki wao umefuatia kupitia mwaliko walioupata kutoka nchini Uganda kutokana na  nchi hiyo kutambua jitihada za kituo chao za kukuza soka la vijana hapa nchini pamoja na ndani ya jumuiya ya Afrika Mashariki.
Hatahivyo,mkurugenzi huyo alisisitiza ya kwamba katika kuhakikisha wanashriki mashindano hayo kituo chao kimeanza mkakati wa kusaka fedha za nauli na matumizi wakiwa nchini wakati wote wa mashindano kwa kusaka udhamini kutoka kwa wadu mbalimbali wa soka mkoani Arusha na nchini kwa ujumla.
Alisema kuwa wameanzisha tamasha la soka liitwalo “Quiz Night” ambalo linataraji kufanyika mnamo febuari 28 mwaka huu katika viwanja vya TGT jijini Arusha ambapo wanataraji kukusanya fedha za ushiriki katika tamasha hilo ili ziweze kuwasaidia katika safari yao nchini Uganda.
Itaeli,aliwataka wadau mbalimbali wa soka mkoani Arusha ana nchini kwa ujumla kuwapa sapoti katika safari yao kwa kuwa hadi sasa wamekusanya kiasi cha sh,2 milioni  ambapo kwa safari yote nchini humo kinahitajika kiasi cha sh,7 milioni.

KOCHA SUPER D AMZAWADIA BONDIA ‘KING CLASS MAWE’ VIFAA VYA MASUMBWI

Kocha wa Kimataifa wa mchezo wa masumbwi nchini Rajabu Mhamila ‘Super D’ kulia akimkabidhi vifaa vya mchezo wa masumbwi bondia Ibrahimu Class ‘King Class Mawe’ baada ya kumdunda bondia Cosmas Cheka na kunyakuwa ubingwa wa U.B.O Africa Class kwa sasa anamiliki mikanda miwili ya Afrika ukiwemo wa WPBF na U.B.O Africa Picha na SUPER D BOXING NEWS

Kocha wa Kimataifa wa mchezo wa masumbwi nchini Rajabu Mhamila ‘Super D’ kulia akimkabidhi vifaa vya mchezo wa masumbwi bondia Ibrahimu Class ‘King Class Mawe’ baada ya kumdunda bondia Cosmas Cheka na kunyakuwa ubingwa wa U.B.O Africa Class kwa sasa anamiliki mikanda miwili ya Africa ukiwemo wa WPBF na U.B.O Africa Picha na SUPER D BOXING NEWS

Kocha wa Kimataifa wa mchezo wa masumbwi nchini Rajabu Mhamila ‘Super D’ kushoto akimkabidhi vifaa vya mchezo wa masumbwi bondia Ibrahimu Class ‘King Class Mawe’ baada ya kumdunda bondia Cosmas Cheka na kunyakuwa ubingwa wa U.B.O Africa Class kwa sasa anamiliki mikanda miwili ya Africa ukiwemo wa WPBF na U.B.O Africa Picha na SUPER D BOXING NEWS

Kocha wa Kimataifa wa mchezo wa masumbwi nchini Rajabu Mhamila ‘Super D’ kushoto akiangalia mkanda wa bingwa mpya wa U.B.O Africa Ibrahimu class ‘King Class Mawe’ aliopata hivi karibuni baada ya kumdunda bondia Cosmas Cheka Picha na SUPER D BOXING NEWS
Kocha wa Kimataifa wa mchezo wa masumbwi nchini Rajabu Mhamila ‘Super D’ kushoto akiangalia mkanda wa bingwa mpya wa U.B.O Africa Ibrahimu class ‘King Class Mawe’ aliopata hivi karibuni baada ya kumdunda bondia Cosmas Cheka Picha na SUPER D BOXING NEWS.
………………………………………………………………………………

Na Mwandishi Wetu
KOCHA wa kimataifa wa mchezo wa masumbwi nchini Rajabu Mhamila ‘Super D’ ametimiza ahadi yake ya kumzawadia bondia Ibrahimu Class ‘King Class Mawe’ endapo atanyakua ubingwa wa U.B.O kwa kumtwanga bondia Cosmas Cheka kwa point

Ahadi hiyo ameitekeleza jana baada ya bondia huyo kumfata katika GYM ya Super D iliyopo karikoo Shule ya Uhuru Dar es salaam na kumkabidhi vifaa vya mchezo wa masumbwi

Akipokea vifaa hivyo bondia huyo ameahidi kuendelea na mazoezi ili afike juu zaidi kuliko hata mabondia waliotamba nchini bondia huyo anayemiliki mikanda miwili ya ubingwa wa Africa ikiwemo ya WPBF na U.B.O aliouchukua hivi karibuni ametamba kumdunda bondia yoyote yule atakayejitokeza kutaka kutetea mikanda hiyo

Nae kocha wa kimataifa wa mchezo uho Rajabu Mhamila ‘Super D’ ameseme kuwa kutoa ni moyo hivyo amewaomba wadau wengine kumpa sapoti ya aina mbalimbali kwa kuwa mchezo wa masumbwi hauna wadhamini hivyo wadau wanatakiwa wachangie maendeleo ya mchezo wa masumbwi iwe kwa mtu mmojammoja au kampuni kwa ujumla

Super D ambaye hujishulisha na usambazaji wa vifaa mbalimbali vya masumbwi nchini amekuwa akiuza na kugawa msaada kwa vijana wanaochipukia kwa ajili ya kuhamasisha mchezo hu ambao umekosa wafadhili hapa nchini.