FULL SHANGWE

NAPE: CCM NDICHO CHAMA PEKEE CHENYE DEMOKRASIA YA KWELI NCHINI

2012-05-18T17:47:00.002+03:00

NA MWANDISHI WETU

CCM ndicho chama cha kisiasa chenye demokrasia ya kweli tofauti na vyama vya upinzani vinavyoonekana kujaa udikteta na hivyo kubaki kuwa kama vyama vya harakati tu.

Tofauti na CCM ambayo wanachama wake wana uhuru wa kugombea nafasi mbalimbali za uongozi, katika vyama vingine hawapati fursa hiyo kutokana na viongozi wake kuwajia juu wanachama wanapojitokeza kutaka kuwania nafasi za uongozi.

Hayo yamesemwa na Katibu wa Halmashauri Kuu ya Taifa (NEC) Itikadi na Uenezi, Nape Nnauye wakati akifungua Mkutano wa Uchaguzi wa viongozi wa ngazi mbalimbali tawi la CCM, Ofisi Ndogo ya Makao Makuu ya Chama mjini Dar es Salaam.

Akifungua mkutano huo katika ukumbi wa Burudani wa Vijana, Kinondoni, Nape alisema, mfano wa karibuni wa vyama vya upinzani kuonyesha kuwa ni vya harakati za watu fulani tu, ni ule wa Chadema kuamua munjia juu mbunge wake wa Maswa, John Shibuda, baada ya kutangaza kugombea Urais uchaguzi mkuu ujao, kwa tiketi ya chama hicho.

Akiwa kwenye semina ya Utawala bora iliyoandakiwa na APRM mjini Dodoma, Shibuda alisema atagombea urais kwa tiketi ya Chadema katika uchaguzi mkuu ujao (2015) na kwamba anamuomba Mwenyekiti wa CCM, Rais Jakaya Kikwete kumpigia debe atakapokuwa akigombea nafasi hiyo.

"Ninyi nyote ni mashahidi, mmesikia jinsi Chadema walivyomjia juu Shibuda baada ya kujaribvu kutangaza kutaka urais kwa tiketi ya chama hicho. wanaharakati wa Chadema wameibuka na kumjia juu, lakini sababu kubwa ni kwamba ametangaza nia hiyo huku akiwa yeye hatoki kanda ya Kaskazini", alisema Nape na kuongeza;

"Kama angetangaza nia hiyo mwanaharakati mwenzao kutoka kanda yao, wasingemjia huu... Ndiyo maana nasema kwamba chama cha siasa cha kweli bado ni CCM tu, vingine ni vyama vya harakati ingawa vimesajiliwa kama vyama vya siasa", alisena Nape.

Nape alisema Chadema hawawezi kukwepa kwamba si chama cha harakati kinachopigania kuwagawa Watanzania kwa majimbo na kuwataka Chadema kama wanataka kujisafisha wamkemee hadharani mbunge wao wa Arumeru Mashariki Joshua Nassari kwa tamko la hivi karibuni linalomtia matatani.

Nape lisisitiza kuwa Chama Cha Mapinduzi bado ni imara, na kuwataka wana-CCM kutembea vufua mbele mitaani na kuachana na kelele za 'wanaharakati' za kuwatisha ili kuonea aibu chama chao.
Kuhusu uchaguzi huo, Nape aliwakumbusha wana-CCM kwamba tamko la CCM kuhusu kuwachukulia hatua wagombea wanaotumia mbinu chafu za rushwa, si utani ni azimio la dhati na atakayethubutu kubainika akikiuka agizo hilo atakuwa wa mfano kwa wengine.

"Halmashauri Kuu ya CCM ilipitisha uamuzi huu kule Dodoma kwa sababu chama kinataka kila mmoja aweze kugombea nafasi yoyote ya uongozi tofauti na mazingira yanayotaka kujengwa na baadhi ya watu yanayotengeneza mazingira ya kuwezesha wenye uwezo tu kupata uongozi", alisema.

Kwa mujibu wa agizo hilo la CCM, mwanachama sasa hataruhusiwa kujipitisha kwa wapigakura au kukutana nao katika vikao vyovyote kwa namna yoyote kabla ya siku ya uchaguzi.
CCM imesema endapo atapatikana mwanachama atakayejihusisha na kadhia hiyo atafungiwa kugombea au kufutiwa matokeo kama ameshinda uchaguzi na pia kupewa adhabu nyingine ya kinidhamu.

Akizungumzia maslahi ya wafanyakazi, Nape aliahidi kupambana katika ngazi husika kuhakikisha mishara ya wafanyakazi wa Chama inaongezeka na pia kuhakikisha CCM inatoa kipaumbele suala la mafunzo kwa wafanyakazi hao na kuingizwa katika mipango maalum ya kupata viwanja vya kujenga vyumba za makazi.

Mbali na Nape mkutano uchaguzi huo umehudhuriwa na viongozi kadhaa wa Makao Makuu ya CCM kama wanachama wa tawi hilo wakiwemo, Katibu wa NEC Oganaizesheni, Asha Abdallah Juma, Katibu Mkuu wa Umoja wa Vijana wa CCM, Martine Shigella.

Katika uchaguzi huo wagombea uenyekiti ni Asheri Enock, Furaha Henri na Innocent Anthony, huku nafasi ya Katibu ni Rozalia Thomas, Shabani Masenga na Scolastika Salim.
Mwenyekiti wa zamani Venance Mkude hakugombea tena nafasi hiyo baada ya kumaliza kipidi chake kumalizika kutokana na kustaafu kazi Makao Makuu ya CCM.

BANYANA BANYANA KUWASILI LEO KUIVAA TWIGA STARS

2012-05-18T17:43:00.004+03:00

Timu ya Taifa ya wanawake ya Afrika Kusini (Banyana Banyana) inatarajia kuwasili nchini leo (Mei 18 mwaka huu) saa 12.45 jioni kwa ajili ya mechi ya kirafiki dhidi ya Twiga Stars itakayofanyika Jumapili (Mei 20 mwaka huu) Uwanja wa Taifa, Dar es Salaam.

Banyana Banyana ina msafara wa watu 26 ambapo 18 kati ya hao ni wachezaji na itafikia kwenye hoteli ya Sapphire Court Hotel tayari kwa mechi hiyo ya kujipima nguvu kwa Twiga Stars inayojiandaa kwa mechi ya mchujo kuwania tiketi ya kucheza Fainali za Afrika kwa Wanawake (AWC) dhidi ya Ethiopia. Mechi dhidi ya Ethiopia itachezwa Mei 27 mwaka huu jijini Addis Ababa.

Nayo Banyana Banyana iko katika kinyang’anyiro cha kutafuta tiketi ya Fainali za AWC ambapo katika raundi hii ya pili imepangiwa Zambia na itaanzia mechi hiyo ugenini jijini Lusaka.

Kesho (Mei 19 mwaka huu) saa 6 kamili mchana, makocha wa timu zote mbili, Boniface Mkwasa wa Twiga Stars na Joseph Mkhonza wa Banyana Banyana watakuwa na mkutano na Waandishi wa Habari kwenye ofisi za Shirikisho la Mpira wa Miguu Tanzania (TFF) kuzungumzia mechi hiyo.

Twiga Stars na Banyana Banyana zote ziko katika raundi ya mwisho ya AWC ambapo zikifanikiwa kuwatoa wapinzani wao zitakwenda kwenye fainali hizo zitakazofanyika Novemba mwaka huu nchini Equatorial Guinea.

Boniface Wambura

Ofisa Habari

Shirikisho la Mpira wa Miguu Tanzania (TFF)

TUZO YA MWANAMICHEZO BORA WA TANZANIA

2012-05-18T17:40:00.002+03:00

CHAMA cha Waandishi wa Habari za Michezo Tanzania (TASWA) Jumapili Mei 20, 2012 saa nne asubuhi kitatangaza mdhamini wa Tuzo za Mwanamichezo Bora wa Tanzania kwa mwaka 2011.

Mdhamini huyo atatangazwa kwenye mkutano ambao ataufanya Mwenyekiti wa TASWA, Juma Pinto pamoja na mdhamini wa tuzo hizo, ambapo mkutano huo utafanyika kwenye mgahawa mpya uitwao City Sports & Lounge uliopo jirani na mnara wa askari makutano ya barabara ya Samora na Azikiwe, Posta Dar es Salaam.

TASWA inachukua fursa hii kuwaalika waandishi wote wa habari za michezo kuhudhuria kwenye mkutano huo ili tuweze kuanza pamoja katika mbio hizi za kuelekea kwenye Tuzo ya Mwanamichezo Bora wa Mwaka 2011.

Tayari Kamati ya Tuzo ishateuliwa na imetangazwa, hivyo baada ya mkutano huo taratibu nyingine zitatangazwa kwa kadri zitakavyokuwa zimekamilishwa na Kamati Maalum ya Tuzo ya Mwanamichezo Bora wa Tanzania.

Kwa miaka mitano iliyopita walioshinda Tuzo ya Mwanamichezo Bora wa TASWA walikuwa ni Samson Ramadhani (2006), Martin Sulle (2007), Mary Naali (2008), ambao wote ni wanariadha, wakati 2009 na 2010 alikuwa mcheza netiboli Mwanaidi Hassan.

MSANII CANDY AACHIA SINGLE NYINGINE INAYOKWENDA KWA JINA LA "CHANINI"

2012-05-18T17:38:00.000+03:00

STUDIO YA "PAMOJA RECORD" IMEACHIA SINGLE MPYA YA YULE MWANADADA CANDY AMBAYE MWEZI MMOJA ULIOPITA ALIACHIA NGOMA YAKE INAYOKWENDA KWA JINA NIMPENDE MILELE IKIWA CHINI YA MOST RECORD..!.
LEO HII "PAMOJA RECORD" IMEACHIA SINGLE YA MWANADADA HUYO INAYOKWENDA KWA JINA LA "CHANINI", CANDY MSANII AMBAYE LICHA YA UIMBAJI ANAKIPAJI PIA CHA KUCHEZA MUZIKI WA AINA ZOTE.

CANDY AMBAYE MTAANI ANAJULIKANA KWA JINA LA (CANDY TIKISA!! AU CANDY WA KUJIACHIA..!) , AMBAYE AMEJIPATIA UMAARUFU MKUBWA PALE ALIPOSHIRIKI MASHINBDANO YA KUCHEZA MUZIKI YALIYOKUWA YANAJULIKANA KAMA "TIKISA" AMEACHANA NA LEBO YA "MOST RECORD " NA KUPATA OFA NYINGINE KWENYE STUDIO ZA PAMOJA RECORD JIJINI DAR ES SALAAM, AMBAYO TAYARI AMESHAREKODI SINGLE YAKE HIYO MOJA INAYOITWA "CHANINI" AMBAYO TAYARI IMESHAANZA KUPIGWA KWENYE VITUO MBALIMBALI VYA REDIO.

KWANINI AMEACHANA NA MOST RECORD?................. CANDY ANAJIBU KUWA HAWAKUELEWANA NA MANAGEMENT NZIMA YA MOST RECORD AMBAPO KWA SASA WAPO KWENYE MZOZO AMBAO BADO HAUJAPATIWA UFUMBUZI LAKINI TAYARI ALIKUWA AMEREKODI SINGLE MOJA PAMOJA NA VIDEO AMBAYO VYOTE AMEFANYIA KWENYE KAMPUNI HIYO YA MOST RECORD, YEYE CANDY AMEIZUIA ISIONYESHWE KWENYE VITUO VYA TELEVISION MPAKA PALE MUAFAKA WAO UTAKAPOMALIZWA.

CANDY AMEWAFAGILIA SANA PAMOJA RECORD KUWA WAPO SAWA NA MAKINI SANA KWENYE KAZI NA NDIYO MAANA AMEINGIA MKATABA NAO NA HUKO ATAFANYA KAZI AMBAYO MASHABIKI WA MUZIKI WATASUUZIKA NA MUZIKI WAKE.................EBU SIKILIZA SINGLE YAKE HII YA CHANINI............ NDANI YA WIMBO HUU AMEZUNGUMZIA KITU GANI!! ...........EBU FUTATILIA ALA ZA MUZIKI JINSI GANI ZILIVYOPANGWA NA KUPANGIKA CHINI YA USIMAMIZI WA MKUBWA WA MTAYARISHAJI WA MUZIKI MTU MZIMA NASS B.

         WASIFU WAKE :

          JINA LA MSANII :   HELEN DAVID LUSEKERO
          ANAJULIKANA KAMA : CANDY
          JINA LA WIMBO : CHANINI
          STUDIO : PAMOJA RECORD
          MTAYARISHAJI WA MUZIKI : NASS B.
          MAWASILIANO : 0753915938

EMAIL/ FACEBOOK ; hellendavid40@yahoo.com

WIMBO HUU NI RUKSA KUCHEZWA SEHEMU YEYOTE BILA YA MASHARTI.

MREMBO WA ZAMANI MBONI MASIMBA AZINDUA KIPINDI CHAKE CHA (MBONI TALK SHOW)

2012-05-18T17:31:00.000+03:00

Mboni Masimba akiongea na waandishi wa habari kwenye hoteli ya Serena Dar es salaam leo wakati akizungumzia kipindi chake kitakachorushwa katika Luninga ya EATV kushoto ni Bw Tyson.

Waandishi wa habari wakiwa katika mkutano huo.

Mboni Masimba akiwa na Blogger maarufu wa kike anayeendesha blogu ya 8020Fashion Shamimu Mwasha.

WASANII wametakiwa kutumia vipindi vya Talk Show kwa ajili ya kutangaza kazi zao sanaa ndani na nje ya nchi ikiwa pamoja na kuitangaza nchi ya Tanzania.

Wito huo ulitolewa na Mtangazaji wa kipindi kipya cha Luninga, Mboni Masimba wakati wa kuzindua kipindi chake kiitwacho Mboni Talk Show chenye kuburudisha, kuelimisha na kufundisha ambacho kitaanza kuoneshwa Alhamis ijayo katika kituo cha East Africa Television.

Mboni alisema kuwa vipindi vya Talk Show kwa sasa vinapendwa na kutazamwa na watu wengi zaidi kutokana na uvutiaji wake na mijadala mbalimbali ambayo inazungumzwa katika vipindi hivyo.

Akizungumzia kipindi chake Mboni alisema kuwa kipindi hicho kitakuwa na sehemu tano ambazo ni Ufunguzi, wakati wa maswali kutoka kwa mtangazaji kwa wageni na kutoka kwa hadhira kwenda kwa wageni, na pia kutakuwa na kipengele cha My dreams come true ambapo kipindi chake kitatoa misaada kwa watu wenye mahitaji mbalimbali na pia kutakuwa na Tamati.

Alisema kuwa kutokana na ukubwa wa Luninga ya East Africa Tv anahakika kuwa watu kutoka nchi za Afrika Mashariki wataburudika na kufurahishwa na kipindi hicho cha kipekee huku akiwataka wadau mbalimbali kutoa maoni yao mara baada kitakapoanza kurushwa.

“ Ni kwamba Tanzania kuna watu wa aina mbalimbali na wenye vipaji mbalimbali ambao wanatakiwa kuendelezwa na hapa ndipo nguvu ya Tv Talk Show inahitajika na mimi nitahakikisha kuwa kupitia kipindi change cha Mboni Show nitawafikiwa kila wenye kuhitaji msaada wa kuendelezwa kuwa wanafanyiwa hivyo” alisema Mboni

Mashauzi Classic, Mashujaa kusindikiza Miss Tabata

2012-05-18T17:14:00.002+03:00

BENDI za Mashujaa na Mashauzi Classic zitatumbuiza kwenye kinyang’anyiro cha kumtafuta mrembo wa Tabata, Miss Tabata 2012 kitakachofanyika Juni Mosi katika ukumbi wa Da West Park, Tabata.

Akizungumza jana, mratibu wa shindano hilo, Godfrey Kalinga, alisema kuwa wameamua kuweka burudani nyingi yenye ladha tofauti ili kukidhi kiu ya rika zote watakaohudhuria shindano hilo ambalo ni kivutio kwa wakazi jijini.

Kalinga alisema shindano hilo pia litatumika kwa ajili ya kusherehekea miaka 10 tangu kuasisiwa kwa shindano la Miss Tabata.

“Shindano la mwaka huu litakuwa ni la aina yake kwa sababu hii utakuwa ni mwaka wetu wa 10 tangua kuanza kuandaa Miss Tabata ndio maana tunaleta burudani nyingi,” alisema mratibu huyo wa Bob Entertainment na Keen Arts.

Alisema warembo waliyowahi kushinda mataji mbalimbali ya shindano hilo, pia wamealikwa kusherehekea miaka 10 ya Miss Tabata.

Shindano hili limedhaminiwa na Dodoma Wine, Redds, Integrated Communications, Fredito Entertainment, Multichoice Tanzania, Screen Masters, Kitwe General Traders, Step In Electronics, Brake Point, Atriums Hotel na Lady Pepeta.

Warembo watakaoshiriki kwenye shindano wanaendelea na mazoezi kila siku katika ukumbi wa Dar West Park.

Warembo hao ni Neema Saleh (18), Noella Michael (19), Queen Issa (20), Hycalisa Joseph (18), Phillios Lemi (19), Wikllihemina Mvungi (20) na Nightness Rajab (19).

Wengine ni Suzanne Pancras (19), Caroline David (21), Khadija Nurdin (19), Jamila Omary (18), Advent Mamkwe (21), Nadya Marjeby (21), Axer Peter (20), Rahama Hassan (19), Mercy Mlay (21) na Diana Simon Laizer (20).

Warembo 10 watachaguliwa kushiriki mashindano ya Miss Ilala na baadaye Miss Tanzania.

Mrembo anayeshikilia taji la Tabata kwa sasa ni Faiza Ally.

Warembo wa Tabata wamekuwa wakifanya vizuri katika mashindano ya Miss Tanzania ambapo mwaka juzi Consolata Lukosi alishinda nafasi ya tatu kabla ya kutangazwa kuwa balozi wa kinywaji cha Redds.

Katika shindano la mwaka juzi Juliet William pia alishinda nafasi ya tatu katika ngazi hiyo ya taifa.

Juliet ndiye anayeshikilia taji la dunia la Miss Progressive International.

MTANZANIA DR ENGINEER SHABAN KACHUA ATUNUKIWA RASMI SHAHADA YAKE YA UDAKTARI WA FALSAFA NCHINI CANADA.

2012-05-18T17:07:00.000+03:00

Dr Engineer Shaban Kachua mwenye joho lenye rangi nyekundu na Bluu akiwa na waafrika wenzake wakati wa alipotunukiwa Shahada yake ya Udaktari wa falsafa Nchini Canada.

Hapa Dr Kachua akiwa amekaa mstari wa mbele kabisa na wahitimu wenzake.

Mama Mzazi wa Dr Kachua (mwenye blauzi nyeusi), akiwa na Mama mkwe wake, wote kwa pamoja walishiriki katika tukio la kihistoria la kutunukiwa Shahada ya PHD kwa mtoto wao nchini Canada.

Mrs Dr Shaban Kachua (Jemima) akiwa na furaha pamoja na watoto wao walishiriki katika shughuli ya kutunukiwa Mume wake shahada ya udaktari wa Falsafa (PHD).

Kwa sasa Dr Shaban Kachua anaishi Nchini Canada pamoja na familia yake. Sisi kama watanzania wenzake tunapenda kumpongeza sana kwa kuweza kuipeperusha vema Bendera yetu, tunapenda kumshauri pia, elimu yake hiyo aweze kuitumia pia kulisaidia Taifa lake la Tanzania hasa katika nyanja hiyo ya Sayansi, kwa kutambua zaidi tuna upungufu mkubwa wa wanasayansi katika Taifa letu.

HONGERA SANA

Mkurugenzi Msaidizi Idara ya mazingira Ofisi ya makamu wa Rais katika mahojiano maalum DW

2012-05-18T16:59:00.002+03:00

Mkurugenzi Msaidizi Idara ya mazingira Ofisi ya makamu wa Rais Bw. Richard Muyungi katika mahujiano maalum ya kipindi cha Radio idhaa wa kiswahili ya Radio Deutsch Welle mjini Bonn Ujerumani.

Mkurugenzi Msaidizi Idara ya mazingira Ofisi ya makamu wa Rais Bw. Richard Muyungi katika mahujiano maalum mtangazaji Sudi Mnete (kulia) katika kipindi cha Radio katika idhaa wa kiswahili ya Radio Deutsch Welle mjini Bonn Ujerumani.(Picha na Evelyn Mkokoi)

UONGOZI WIZARA YA HABARI WAKUTANA NA RAIS IKULU.

2012-05-18T16:54:00.001+03:00

Rais wa Zanzibar na Mwenyekiti wa Baraza la
Mapinduzi Dk. Ali Mohamed Shein,akizungumza na Uongozi wa Wizara ya
Habari,Utalii,utamaduni na Michezo,katika utekelezaji wa mpango wa
kazi za Wizara hiyo huko Ikulu Mjini Zanzibar leo,(kushoto) Makamo wa
kwanza wa Rais Maalim
Seif Sharif Hamad. [ Picha na Ramadhan Othman,IKULU.]

MKUU WA WILAYA MPYA KASKAZINI B AAPA

2012-05-18T16:36:00.000+03:00

Rais wa Zanzibar na Mwenyekiti wa Baraza la Mapinduzi Dk.

Ali Mohamed Shein,akimuapisha Mdungi Makame Mdungi kuwa Naibu Katibu
Mkuu Wizara ya Katiba na Sheria, hafla ya kiapo ilifanyika Ikulu Mjini
Zanzibar jana.{Picha na Ramadhan Othman,Ikulu.}

Rais wa Zanzibar na Mwenyekiti wa Baraza la Mapinduzi Dk.
Ali Mohamed Shein,akimuapisha Khamis Jabir Makame,kuwa Mkuu wa Wilaya
ya kaskazini B Unguja, katika hafla iliyofanyika Ikulu Mjini
Zanzibar jana.{Picha na Ramadhan Othman,Ikulu.}

Rais wa Zanzibar na Mwenyekiti wa Baraza la Mapinduzi Dk.
Ali Mohamed Shein,akizungumza na Uongozi wa Wizara ya Elimu na Mafunzo
ya Amali,katika utekelezaji wa mpango wa kazi za Wizara hiyo huko
Ikulu Mjini Zanzibar leo,(kushoto) Makamo wa kwanza wa Rais Maalim
Seif Sharif Hamad. [ Picha na Ramadhan Othman,IKULU.]

ATC IMEWASILI JIJINI MWANZA MUDA MFUPI UJAO INAREJEA JIJINI DAR ES SALAAM

2012-05-18T12:39:00.001+03:00

Kaimu Mkurugenzi wa shirika la ndege la ATC Bw. Paul Chizii kulia akiwa katika picha ya pamoja na baadhi ya wafanyakazi wa kampuni hiyo mara baada ya kutua katika uwanja wa ndege wa Mwanza mchana huu ambapo wafanyakazi pamoja na watu mbalimbali ambao wamekuwa wakitumia shirika hilo katika kusafiri wameonekana kufurahia sana kuanza kwa safari za shirika hilo

Katika uwanja wa ndege wa Mwanza kutakuwa na hafla fupi ya kupongezana na kukaribisha ndege hiyo ambapo pia keki itakatwa na kuliwa kwa kuashiria uzinduzi rasmi wa safari zake

Abiria mbalimbali wakishuka mara baada ya ndege hiyo kuwasili jijini Mwanza nchana huu.

Dada Lilian wa ATC akiwa katika pozi mara baada ya kushuka kwenye ndege hiyo leo mjini Mwanza.

Abiria wakishuka kwenye ndege.

Abiria wakishuka kwenye ndege mjini Mwanza

TAYARI TUMETUA (KIA) MUDA MFUPI UJAO TUNARUKA KUELEKEA JIJINI MWANZA

2012-05-18T10:47:00.001+03:00

Tayari ndege mpya ya shirika la ndege la ATC aina ya Boeing 737-500 imeshatua katika uwanja wa ndege wa Kilimanjaro Internationl Airport kwa muda kabla ya kuelekea jijini Mwanza tena na kurudi jijini Dar es salaam katikati aliyeshika ua ni mtangazaji wa Clouds Said Bonge akishoo Love na mashabiki wake pamoja na wafanyakazi wa kiwanja cha ndege cha KIA leo hii katika uzinduzi rasmi wa safari zake.

Hii ndiyo ndege yenyewe ya ATC Boeing 737-500 ikiwa katika kiwanja cha ndege cha KIA muda huu kabla ya kuruka kuelekea jijini Mwanza kabla ya kurejea jijini Dar es salaam.

MWANZA, KILIMANJARO KISHA NAREJEA DAR ES SALAAM BAADAE

2012-05-18T05:51:00.001+03:00

Kazi ni kazi tu na haina wakati maalum wa kufanya, niko Aiport uwanja wa ndege wa Mawlimu Julius K. Nyerere asubuhi hii nikiwa safarini kuelekea Mwanza na kisha Kilimanjaro na baada ya muda nitarejea jijini Dar es salaam, nitakuwa mmoja wa wanahabari watakaopasha habari za uzinduzi wa ndege mpya ya shirika la ndege la ATC Boeing 737-500 inayozindua safari zake leo mambo zaidi kuhusu safari hiyo tutapashana baadae.

Naibu Waziri, ajitolea kumsomesha aliyekosa ada Handeni

2012-05-18T05:32:00.001+03:00

Naibu Waziri wa Maendeleo ya Jamii na Watoto Ummy Mwalimu jana ofisini kwake jijini Dar es Salaam. akiwa ofisini kwake wakati alipokutana na Mhariri Mkuu wa Mtandao wa Thehabari.com, Joachim Mushi na kufanya mahojiano

Mhariri Mkuu wa Mtandao wa Thehabari.com, Joachim Mushi akifanya mahojiano na Naibu Waziri wa Maendeleo ya Jamii na Watoto Ummy Mwalimu jana ofisini kwake jijini Dar es Salaam.

Naibu Waziri, Wizara ya Maendeleo ya Jamii na Watoto, Ummy Mwalimu (kulia) akimadilishana kadi za mawasiliano na Mhariri Mkuu wa Thehabari.com, Joachim Mushi mara baada ya mahojiano ofisini kwake leo jijini Dar es Salaam.

NAIBU Waziri wa Maendeleo ya Jamii, Jinsia na Watoto, Ummy Mwalimu jana amejitolea kumsaidia mtoto ambaye mzazi wake alishindwa kumpeleka shule baada ya kufaulu kwa kile kukosa ada ya shule.

Akizungumza na Mhariri Mkuu wa Mtandao wa Thehabari.com, Joachim Mushi, ofisini kwake jijini Dar es Salaam amesema ameguswa na habari hiyo iliyotolewa na mtandao huu juzi, hivyo yupo tayari kumsaidia mtoto huyo nawengine watakao kuwa na matatizo kama hayo eneo hilo.

Hata hivyo, Naibu Waziri Mwalimu, ambaye pia ni Mbunge wa Viti Maalumu kutokea Mkoa wa Tanga amesema anaamini mama wa mtoto huyo alikuwa muoga kuwasiliana na viongozi wa wilaya hiyo ya Handeni kwani wangelimsaidia na mtoto huyo kujiunga na shule.

"Kwanza napenda kuwapongeza kwa kuibua changamoto kama hizi, kimsingi nimeguswa na habari hiyo ya mtoto kushindwa kujiunga na shule kwasababu mzazi wake hana uwezo...naomba mnipe mawasiliano ili tuangalie namna ya kumsaidia," alisema Naibu Waziri huyo.

Alisema ipo haja ya halmashauri kufuata ushauri wa Serikali kwa kile kutenga asilimia 5 ya mapato yao kuwawezesha wanawake kupitia mfuko wa maendeleo ya wanawake, kwani endapo akinamama watawezesha wanaweza kufanya mabadiliko hata katika changamoto kama hizo.

"Unajua ukimuwezesha mwanamke unakuwa umeiwezesha jamii...endapo kila wilaya ikikubali kutenga asilimia 10 ya mapato yake, kwa ajili ya mfuko wa maendeleo ya wanawake na ule wa vijana kwa kugawa asilimia tano tano kila upande tutasaidia mambo mengi, zikiwemo changamoto za maisha katika familia," alisema Mwalimu.

Juzi mtandao wa Thehabari.com pamoja na mitandao mingine washirika wa Thehabari.com walichapisha habari ya mmoja wa wanafunzi waliochanguliwa kujiunga na masomo mwaka huu kushindwa kuendelea na shule baada ya mzazi wake mmoja (mama) kushindwa kumgharamia.

Mtandao wa Thehabari.com unafanya mawasiliano na mzazi wa mtoto huyo na kuangalia namna ya kuwakutanisha na baadhi ya wasamaria waliojitolea kubeba mzigo wa masomo kwa kijana huyo. Mtandao huu utaendelea kuwajulisha taarifa zaidi za tukio hili hadi pale mtoto atakapo jiunga na shule.

Habari hii imeandaliwa na Mtandao wa Thehabari.com (wwww.thehabari.com)

FFU ! wa Ngoma Africa kuvaana na Wakameruni 5,000 Stuttgart,Ujerumani

2012-05-18T05:23:00.003+03:00

Wakameruni wapatao zaidi ya 5,000 waishio nchini ujerumani wanatalajia kujimwaga na muziki wa dansi wa Ngoma Africa Band huko mjini Stuttgart,Ujerumani siku ya jumamosi
20 Mai 2012,katika sherehe maalumu kwa ajili ya nchi yao "Cameroni Challenge" .
Kamati ya maandalizi ya jumuia ya wakameruni nchini Ujerumani imetoa mwaliko kwa
bendi maarufu ya muziki wa dansi barani Ulaya Ngoma Africa band almaarufu FFU,kutumbuiza
katika sherehe hizo zitakazo fanyika mjini Stuttgart,nchini Ujerumani,ambako zitahudhuriwa na
wakameruni 5000 pamoja na wageni wa mataifa mbali mbali.
Mzimu huo wa dansi Ngoma Africa band aka FFU unatarajiwa kutoa burudani ya kuwapandisha
mzuka wadau wote watakao jimwaga uwanjani,
Ngoma Africa band sasa wanatamba na mpini wao mpya " Uhuru wa Habari" sikiliza hapa www.ngoma-africa.com au http://www.ngoma-africa.com

President Jakaya Kikwete in Washington DC

2012-05-17T21:15:00.000+03:00

President Jakaya Mrisho kikwete speaks during a high level breakfast briefing on scaling up nutrition at the Dirksen office building in Washington DC May 17, 2012.

President Jakaya Mrisho kikwete speaks during a high level breakfast briefing on scaling up nutrition at the Dirksen office building in Washington DC May 17, 2012. Together with him at the High table are the minister of international Cooperation of Canada Ms Beverly J. Oda, UNFP Executive Director Ms Ertharin Cousin and the CEO of Concern Worldwide, Mr Tom Arnold.

President Jakaya Mrisho kikwete greets the USAID Administrator Dr Raj Shah after taking part in a high level breakfast briefing on scaling up nutrition at the Dirksen office building in Washington DC May 17, 2012. right is the Tanzania Ambassador to the US Ms Mwanaidi sinare Maajar and second right is Ms Liberata Mulamula, Personal Assistant to the President (Diplomatic Affairs)

Photo courtesy of STATE HOUSE

WASHIRIKI WA BIGBROTHER STARGAME 2012 WAZUNGUMZA NA WANDISHI WA HABARI BAADA YA KUREJEA

2012-05-17T21:06:00.000+03:00

Aliyekuwa Mwakilishi wa Tanzania katika Shindano la msimu wa 7 wa Big Brother Stargame 2012 wapili kulia Bw.Julio Batalia akizungumza na waandishi wa habari kwenye mkutano uliofanyika kwenye hoteli ya Southernsun jijini Dar es salaam , wa pili kutoka kulia ni Mshiriki wa Big Brother Stargame 2012 Bi,Hilda Reiffenstein, kulia ni Meneja Masoko wa Kampuni ya Multichoice Tanzania Bi Furaha Samalu wa mwisho kulia na kushoto ni Meneja Uhusiano wa Maltchoice Tanzania Barbara Kambogi
PICHA NA PHILEMON SOLOMON WA FULLSHANGWE

Alikyekuwa Mshiriki wa Big Brother Stargame 2012 Bi,Hilda Reiffenstein akizungumza na wanahabari kwenye hoteli ya Southersun jijini Dar es salaam leo, kulia ni Meneja Masoko wa Kampuni ya Multichoice Tanzania Bi Furaha Samalu wa mwisho kutoka kushoto ni Meneja Uhusiano wa Maltchoice Tanzania Barbara Kambogi na Bw.Julio Batalia aliyekuwa mshiriki wa Bigbrother Stargame 2012

Afisa Mahusiano wa Multichoice Tanzania Barbara Kambogi wakwanza(kushoto) akizungumza katika mkutano na waandishi wa habari jijini Dar es Salaam ambapo ametolea ufafanuzi mfumo uliotumika mwaka huu katika kuchagua nchi itakayotoka katika shindano hilo Afisa Mahusiano wa Multichoice Tanzania Barbara Kambogi wakwanza(kushoto) akizungumza katika mkutano na waandishi wa habari jijini Dar es Salaam ambapo ametolea ufafanuzi mfumo uliotumika mwaka huu katika kuchagua nchi itakayotoka katika shindano hilo

Waandishi wa habari wakiwa katika mkutano huo leo

KAMPUNI YA BIA YA SERENGETI YAWAPA MABLOGGER SEMINA YA UENDESHAJI WA MITANDAO NA MAADILI KATIKA KUPASHA HABARI ZA MASOKO

2012-05-17T17:56:00.002+03:00

Mkurugenzi wa mtandao wa www.fullshangweblog.com akipokea cheti chake kutoka kwa Ephraim Mafuru Mkurugenzi wa Masoko wa kampuni ya bia ya Serengeti (SBL) mara baada ya kumalizika kwa semina ya Mablogger kuhusu usimamizi na maadili ya upashaji wa habari na masoko katika uendeleshaji wa blogu na mitandao mingine, iliyofanyika leo kwenye makao makuu ya kampuni hiyo yaliyoko Oysterbay jijini Dar es salaam, katikati ni mkurugenzi wa mawasiliano wa kampuni hiyo Teddy Mapunda

Mkurugenzi wa Fullshangweblog kushoto akizungumza na mkurugenzi wa 8020fashion Shamimu Mwasha mara baada ya semina hiyo, kulia ni Mkurugenzi wa blogu ya Father Kidevu.

mkurugenzi wa 8020fashion Shamimu Mwasha akipokea cheti chake Ephraim Mafuru Mkurugenzi wa Masoko wa kampuni ya bia ya Serengeti (SBL) katikati ni mkurugenzi wa mawasiliano wa kampuni hiyo Teddy Mapunda.

Josephat Lukaza akipokea cheti chake kutoka kwa Ephraim Mafuru Mkurugenzi wa Masoko wa kampuni ya bia ya Serengeti (SBL), katikati ni Teddy Mapunda Mkurugenzi wa Mawasiliano (SBL) kulia ni David Shayo wa (SBL)

Mroki Mroki kutoka blogu ya Father Kidevu kushoto akipokea cheti chake.

Mwendeshaji wa Blogu ya Mtaa kwa Mtaa Othman Michuzi kushoto akipokea cheti chake.

Mkurugenzi wa Blogu ya Jiachie Ahmed Michuzi kushoto akipokea cheti chake.

Mkurugenzi wa kampuni ya R&R Caroline Gul kushoto akipokea cheti chake.

Mkurugenzi wa mawasiliano wa kampuni ya bia ya Serengeti Teddy Mapunda akifafanua jambo katika semina ya uendeshaji wa mitandao na maadili ya upashaji wa habari za masoko katika blogu na mitandao mingine.

Mablogger mbalimbali wakifuatilia kwa makini yaliyokuwa yakijiri katika semina ya uendeshaji wa mitandao na maadili ya upashaji wa habari za masoko katika blogu na mitandao mingine.

Mkurugenzi wa masoko wa kampuni ya bia ya Serengeti Ephraim Mafuru kulia na kushoto Mkurugenzi wa mawasiliano kampuni ya bia ya Serengeti Teddy Mapunda waliokaa wakiwa katika picha ya pamoja na mablogger bara baada ya kumaliza semina yao na kupokea vyeti leo katika makao makuu ya kampuni hiyo.

Mkuu wa mkoa arusha awaapisha wakuu wa wilaya na kuwapa somo kubwa sana

2012-05-17T17:31:00.002+03:00

Mkuu wa wilaya ya Arusha John Mongela akiwa anaapa kiapo cha utiifu mbele ya mkuu wa mkoa wa arusha Magesa Mulongo leo

Akuu wa wilaya ya Arumeru Nyirembe Munasa akiwa anakula kiapo cha uaminifu mbele ya mgeni rasmi

Wakuu wa wilaya wakiwa katika picha ya pamoja na mkuu wa mkoa wa Arusha (picha zote na Gladness Mushi-Arusha

Katika jiji la Arusha leo wakuu wapya wilaya wameapishwa ambapo Mkuu wa mkoa wa Arusha magesa mulongo amewaotaka wasiliwe sifa na badala yake wahakikishe kuwa wanajikita zaidi katika kutatua kero za wananchi.

Mbali na hayo aliwataka washirikiane na Madiwani katika kutatua tatizo la hati chafu ndani ya halmashauri kwa kuwa kati ya halmashauri zote jijini hapa iliyo na hati safi kidogo ni halmashauri ya Meru pekee

Pia aliwataka wakuu hao kuhakikisha hawapigwi chenga na sheria mbalimbali hasa za vijiji na ile ya asilimia ishirini kwa kila lkijiji kwa kuwa kwa sasa halmashauri zinakwepa sheria hiyo na hali hiyo inapelekea wenyeviti wa vijijiji kuwa katika hali nghumu ya kiutendaji

KULWA MBOGO ATAKA TAARIFA ZA KULIPWA KWA FIDIA ZA MLIPUKO WA MABOMU UBALOZI WA MAREKANI DAR ES SALAAM

2012-05-17T16:22:00.001+03:00

Mwanasheria Thomas Fortune Fay wa Kampuni ya sheria ya Fay Kaplan iliyoko Washington DCMarekani.

ZAIDI ya miaka kumi na tatu baada ya milipuko ya mabomu ya kujitoa mhanga iliyotokea kwenye Ubalozi wa Marekani jijini Dar es Salam Agosti 7,1998, mmoja wa ndugu wa marehemu amemtaka Jim Owen kutoa taarifa kuwa ni lini fidia itaanza kulipwa.

Kauli hiyo ilitolewa jijini Dar es Salaam leo, Kulwa Mbogo ambaye pacha wake aliyekuwa akifanya kazi katika ubalozi huo alifariki katika tukio hilo.

Alisema walipata taarifa kuwa mmoja wa majeruhi, Owen ambaye ni raia wa Marekani huku akiwa ameoa Mtanzania alifungua kesi ya madai ya fidia kuhusu Watanzania zaidi ya kumi ambapo kesi hiyo imekamilika hivi karibuni.

Mbogo alisema kupitia vyombo vya habari waliambiwa kuwa mchakato wa malipo ya fidia hiyo utakuwa umekamilika hadi kufikia mwishoni mwa Mei mwaka huu lakini hadi leo hakuna hawajapatiwa nyaraka zozote zinazoonyesha kuwa wataanza kulipwa lini na kwa sitaili gani.

“Shauli hilo alimkabidhi mwanasheria wake Thomas Fortune Fay na Kampuni yake ya sheria ya Fay Kaplan iliyoko Washington DC ambayo iliwaunganisha raia wa Tanzania katika kesi hiyo ambapo walifanya mawasiliano na waathirika wa tukio hilo mara kwa mara”alisema Mbogo.

Mbogo alisema yeye ni miongoni mwa familia ya waathirika na mabomu hayo ambapo walijiorodhesha katika kesi hiyo iliyokuwa ikiendeshwa na mwanasheria huyo.

Naye Owen ambaye ni mwakilishi wa msimamizi wa malipo hayo hapa nchini kupitia, Fuadi Latifu alisema malipo hayo yataanza kulipwa kuanzia Julai mwaka huu baada ya kukamilika mchakato mzima wa maandalizi ya malipo hayo ikiwa ni kufunguliwa Akaunti za Benki kwa kila mhusika.

Fuad Latif alisema ni mara ya kwanza na historia kwa nchi hiyo kutoa haki hiyo kwa watu kutoka taifa jingine ambapo haki hiyo imekuja baada ya Kampuni hiyo ya Sheria kuwapigania Watanzania hao.

WAFANYABIASHARA MAHAKAMA YA NDIZI WALALAMIKIA UONGOZI WAO

2012-05-17T16:05:00.002+03:00

Wafanyabiashara wa soko la Mabibo (Mahakama ya ndizi) Wilaya ya Kinondoni Dar es Salaam, wameulalamikia uongozi wa soko hilo kwa kuwa kimya kutokana na hali mbali mbaya ya uchafu uliokithiri sokoni hapo

Hali hiyo ya uchafu uliokithiri umezidi kuongezeka kutokana na mvua zinazoendelea kunyesha jijini hapa pasipo mamlaka husika kuliangalia hilo na kutozingatia suala la usafi katika soko hilo

Wakizungumza na fullshangwelog.com wafanyabiashara hao ambao hawakupenda majina yao yatajwe gazetini walisema kuwa suala la usafi sokoni hapo limekuwa ni kitendawili kilichokosa mteguaji kwani hali ya sokoni hapo inatishia afya zao na huenda muda wowote kunaweza kuzuka magonjwa ya mlipuko

“Hali ya soko letu la mabibo kwakweli ni mbaya na hairidhishi,tumekuwa tukichangia ushuru kwaajili a suala zima la usafi lakini wanaohusika na masuala ya usafi wanaonekana na kupotea kiasi cha kufanya mrundikano wa takataka zilizooza kuwa mkubwa ambao huleta harufu mbaya kitu ambacho ni kero na inatupelekea tufanye biashara zetu katika mazingira magumu yana yohatarisha afya zetu” alisema mmoja wa wafanyabiashara hao

fullshangwelog.com hii ilipotembelea maeneo ya soko hilo ilijionea hali mbaya ya uchafu uliokithiri sokoni ukiwa umerundikana kwa wingi kitu ambacho ni hatari kwa afya za wafanyabiashara pamoja na wapata huduma katia soko hilo ambao ni wateja

Aidha wafanyabiashara hao walibainisha kuwa hali hiyo ya kujisahau kaika masuala ya usafi sokoni hapo yamekuwa yakijitokeza mara kwa mara lakini ombi lao ni viongozi wao kujitahidi na kulitazama suala hilo kwa upana zaidi ili kuepukana na kero wanazozipata na tatizo hilo la uchafu kujirudia mara kwa mara

“hali hii imekuwa ikijurudia mara kwa mara si katika soko la mabibo tuu bali hata kwenye masoko mengine lakini inabidi tujifunze na viongozi wa masoko yetu wawe makini na kuhakikisha wanatimiza majukumu yao pasipo kukukmbushwa kwani usafi ni muhimu na soko likiwa safi basi litavutia watu wengi na ni fahari kwa viongozi wa soko husika” alisema Saada mosha mtumiaji wa soko la mabibo

Fullshangwelog.com ilipozungumza na katibu wa soko la mabibo,Juma Chombo alisema kuwa ni kweli hali ya soko ni mbaya lakini tatizo kubwa ni kwamba hilo linasababishwa na hali ya mvua zinazoendelea kunyesha kwa kipindi hiki na kutokuwepo kwa mifreji ya kupitisha maji ili kuepuka matope kwa kuwa eneo la soko liko bondeni

Aidha katibu huyo aliainisha kuwa kutokana na hali ya mazingira kuendelea kuwa mbaya katika eneo hilo la soko,wafanyabiashara wa eneo hilo bado wanakabiliwa na changamoto za kuhama kutokana na eneo hilo kuwa mali ya kiwanda cha urafiki kitu ambacho kimewapelekea wao kushindwa hata kujenga mabanda mazurfi kama ilivyo kwa masoko mengine jijini

“Changamoto inayotukabili katika eneo hili ni ukosefu wa mifereji maana tatizo kubwa ni matope ambao yanatokana na kutuama kwa maji ambayo yakichanganyika na takataka za sokoni hapa inatengeneza matope yaliyobeba uji uji mzito na kufanya hali ya soko kuwa mbaa n aya uchafu hivyo huleta kero na kuhatarisha afya za waumiaji wa soko hilo ila tatizo kubwa ni ukosefu wa mitaro na miferi” alisisitiza Chombo

Chombo aliongeza kuwa tatizo hilo walishalipeleka kwa waziri husika nkuahidiwa kwamba litafikishwa kwa mkuu wa nchi japo mpaka sasa hawajujua hatgma yao kama watahamishwa na kupelekwa kwenye eneo lingine au lah kwasababu hata wao wanaliona hilo na hawapendezewi n ahali iliyopo sokoni hapo

Miss Kurasini 2012

2012-05-17T16:00:00.001+03:00

MAZISHI YA MPIGA PICHA WA HABARI MAELEZO ZANZIBAR HAMAD HIJA HAMADI

2012-05-17T15:37:00.000+03:00

Wanafamilia pamoja na Waandishi wa Habari mbalimbali wakibeba jeneza la aliekuwa mpiga Picha wa Idara ya Habarí Maelezo Zanzibar Marehemu Hamad Hija aliefariki leo Hospitali kuu ya Mnazi Mmoja Zanzí
(PICHA KWA HISANI YA MAELEZO ZANZIBAR)

Wanafamilia pamoja na Waandishi wa Habari mbalimbali wakimsalia aliekuwa mpiga Picha wa Idara ya Habarí Maelezo Zanzibar Marehemu Hamad Hija aliefariki leo Hospitali kuu ya Mnazi Mmoja Zanzíbar.

Wanafamilia pamoja na Waandishi wa Habari mbalimbali wakiwa katika mazishi ya aliekuwa mpiga Picha wa Idara ya Habarí Maelezo Zanzibar Marehemu Hamad Hija aliefariki leo Hospitali kuu ya Mnazi Mmoja Zanzíbar

WAWEKEZAJI WA UMEME TOKA UINGEREZA WAKUTANA NA PINDA

2012-05-17T15:21:00.001+03:00

Waziri Mkuu, Mizengo Pinda akizungumza na wawekezaji kutoka kampuni ya Endenville Energy PLC ya Uingereza ambao wanakusudia kuwekeza katika umeme wa makaa ya mawe nchini.Wawekezaji hao ni Mwenyekiti wa Kampuni Simon Rollason (kulia) na Ofisa Mtendaji Mkuu wa Kampuni, Mark Pryor (wapili kushoto) na kushoto ni Mwenyeji wao, Cassiano Kaegele, Mkurugenzi Mtendaji wa Kampuni ya Upendo Group ya Sumbawanga. (Picha na Ofisi ya Waziri Mkuu)

MAWAZIRI WA ARDHI, MAZINGIRA WATOA TAARIFA YA ZOEZI LA BOMOA BOMOA NYUMBA ZA UFUKWENI NCHINI

2012-05-17T14:58:00.000+03:00

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, amekutana na Waziri wa Ardhi, Nyumba na Maendeleo ya Makazi, Prof. Anna Tibaijuka na Waziri wa Nchi, Ofisi ya Makamu wa Rais (Mazingira), Terezya Huvisa, kwa mazungumzo na kupokea taarifa ya zoezi la Bomoa bomoa nyumba zilizojengwa maeneo ua Ufukweni, ambalo linatarajia kuanza hivi karibuni. Mazungumzo hayo yalifanyika Ofisini kwa Makamu wa Rais, Ikulu Dar es Salaam leo Mei 17, 2012. Katika picha kutoka (kushoto) ni Katibu wa Wizara ya Ardhi, Veldiana Mashingia, Waziri wa Ardhi, Nyumba na Maendeleo ya Makazi, Prof. Anna Tibaijuka (kulia) ni Mkurugenzi wa Mazingira, Dkt. Julius Ningu na Waziri wa Nchi, Ofisi ya Makamu wa Rais (Mazingira) Dkt. Terezya Huvisa, baada ya mazungumzo hayo. Picha na Muhidin Sufiani-OMR

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, amekutana na Waziri wa Ardhi, Nyumba na Maendeleo ya Makazi, Prof. Anna Tibaijuka na Waziri wa Nchi, Ofisi ya Makamu wa Rais (Mazingira), Terezya Huvisa, kwa mazungumzo na kupokea taarifa ya zoezi la Bomoa bomoa nyumba zilizojengwa maeneo ua Ufukweni, ambalo linatarajia kuanza hivi karibuni. Mazungumzo hayo yalifanyika Ofisini kwa Makamu wa Rais, Ikulu Dar es Salaam leo Mei 17, 2012. Katika picha kutoka (kushoto) ni Waziri wa Ardhi, Nyumba na Maendeleo ya Makazi, Prof. Anna Tibaijuka (kulia) ni Mkurugenzi wa Mazingira, Dkt. Julius Ningu na Waziri wa Nchi, Ofisi ya Makamu wa Rais (Mazingira) Dkt. Terezya Huvisa, baada ya mazungumzo hayo. Picha na Muhidin Sufiani-OMR